Rigàtteri un'azienda de famìlia chi faeddat de binos dae su 1930

Una realidade interessante chi donat emotziones mannas in un'ambiente ispantosu
12 Martzu 2020
rigatteri

* Dae sa terra a sa butìllia * – Passione e calidade sunt sas duas ànimas de sa "Società Agricola Rigàtteri", unu de sos nùmene aligheresos prus de importu pro sa produtzione de binu de primore.

Ativos in su mundu ispantosu de sa bide dae sos primos annos de su 1930, Rigàtteri incumentzat sa faina sua cun Ànghelu lòmpidu in Sardigna pròpiu in cuddos tempos.

Gosi est nàschida un'azienda chi at una traditzione de coltivatzione de sa bide longa e interessante.

Ànghelu, Marinu, Ermes, e a sighire sos figìos suos, Raul, Cadelina e Martina Pozzati, sunt sas caras chi ant dadu una bella vida de energia e resèssida a sa “Società Agricola Rigàtteri”.

Semper che semper, est gràtzias a sa boluntade de sos frades Pozzati ca custa realidade produtiva de su cabu de susu de Sardigna at sighidu a crèschere cun sa nàschida de sa cantina Rigàtteri, acabende gosi su tziclu produtivu de su binu fatu in "domu".

Totus sas bìngias Rigàtteri s'agatant a probe de unu terrinu agrìculu inditadu cun su nùmene de Reigatile. A curtzu de custu terrinu s'agatànt unu nuraghe e unu putzu dae ue Ànghelu e sa mugere Ardelia leànt s'abba pro issos etotu e pros sas bèstias issoro.

rigatteri

Sa cantina, chi est nàschida in su sartu de Santa Maria La Palma, a pagu prus o mancu de 10 chilòmetros dae S'Alighera, at logradu su marcu de calidade ambientale de su Parcu Naturale de Portu Conte.

Vermentinu, Cannonau e Cagnulari (Cagliunari pro sos aligheresos) sunt sas bides sardas coltivadas dae sa "Società Agricola Rigàtteri". Onni mata creschet in unu terrinu de logiana e pedra. Sas bìngias in prus de èssere basadas dae su bentu sunt puru serentes a su mare. Su resurtu de custas carateristicas sunt binos de calidade manna.

Totus sos traballos in bìngia sunt fatos tenende riguardu pro s'ambiente, mescamente faghende atentzione a s'abba e a s'energia impreadas.

Posca de una binnenna fata a manu, s'àghina benit prentzada e posta in cupone a buddire.

S'azienda Rigàtteri proponet a su mercadu tres binos nieddos: su Graffiante DOC Alghero, unu binu fatu cun àghina Cagnulari (Cagliunari), su Mirau DOC, unu Cannonau de Sardigna (de àghina Cannonau chentu pro chentu), su Sirbone IGT Isola dei Nuraghi, unu blend de Cannonau e Cagnulari (Cagliunari) chi pasat in barriques de orroli frantzesu. Su RosaTo, unu Cannonau chentu pro chentu e in fines sos duos binos biancos: su Ardelia DOC Vermentinu de Sardigna, fatu cun àghina chentu pro chentu Vermentinu Sardigna (Vermentinu 100%) e su YIOS DOC Vermentinu de Sardigna, un'àteru Vermentinu puru.

Onni binu Rigàtteri est una bèvida licanza, chi si distinghet pro àere una personalidade interessante.

© RIPRODUZIONE RISERVATA

Dae sa terra a sa butìllia

Progetu realizadu cun sa partetzipatzione de sa Regione Autònoma de Sardigna – L.R. LR 22/2018, art. 22

Image
Regione Autonoma Sardigna

Aciungi unu cumentu