“Cantine di Dolianova”: un'istòria coperativa rica de premios e reconnoschimentos

Una realidade produtiva de primore chi proponet binos famados in totu su mundu
4 Arbili 2020
cantine di dolianova

* Dae sa terra a sa butìllia * - 1200 ètaros de terras coltivadas a bìngia, bator milliones de ampuddas produidas onni annu e treghentos sòtzios. Sunt custos sos nùmeros de sas “Cantine di Dolianova”, una realidade produtiva nàschida in su 1949 comente coperativa. Un'istòria bella, chi at raighinas in localidade Su Esu e incluit su territòriu de sas biddas de Pàtiolla, Serdiana, Donori, Ùssana e Solèminis.

In setanta annos de istòria, custa coperativa contat s'evolutzione de una realidade produtiva chi in diri de oe est sa primu in Sardigna pro produtzione de binos.

Sas bides de sas “Cantine di Dolianova” sunt istadas pastinadas in sartos in ue s'alternant montrigos bassos meda e terrinos mòvidos in pessu. Sas àghinas allevadas non sunt feti sas autòctonas, ma bi sunt bides internatziònales puru. Gosi, sos sòtzios de sas “Cantine di Dolianova” produint Cannonau, Monica, Nuragus, Vermentinu, Nascu, Muscadellu, Sauvignon, Chardonnay e Syrah.

Sos binos Monica de produtzione de sa coperativa de Pàtiolla sunt bèvidas famadas in totu su mundu de sos binos; sos Nuragus agradant meda a sos espertos; su Muscadellu est una bèvida primorosa, su binu Malvasia est tra is mègius de s'ìsula.

cantine di dolianova

Sas “Cantine di Dolianova” ant varias propostas de binos. Sa sèrie chi at su nùmene “Linea TOP” costoit s'ispìritu beru de custa coperativa. Est sa colletzione de sos primores, cun nùmenes comente su Blasio, unu Cannonau DOC Riserva; su Falconaro e su Terresicci, duos binos nieddos Isola dei Nuraghi IGT; su Montesicci, unu Nascu de Casteddu DOC, su Passito, unu Moscadellu chentu pro chentu.

Sa sèrie “Linea HORECA”, imbetzes, est fata feti de àghinas isseberadas e incluit bèvidas chi acumpàngiant manigos ammaniados dae sos chef. Is nùmenes sunt poèticos meda: Perlas, Prendas, Rosada, Arenada e Anzena. Sunt totus etichetas ispantosas meda fatas cun àghina Cannonau, Monica, Nuragus e Vermentinu.

In fines, b'est sa “Linea GDO”, chi incluit sos binos "Dolia", biancos e nieddos; sos "Santesu", cun nieddos, biancos e rosados; su Vermentino di Sardigna DOC "Naeli"; su "Sibiola IGT" rosadu; su "Moscato DOC".

Sa de sas “Cantine di Dolianova” est un'istòria rica de prèmios e reconnoschimentos: su Rosada 2018 at bintu sa Golden Medal de sa de 26 editziones de su Concours Mondial de Bruxelles, su Prendas 2018 at pigadu sa Silver Medal in sa matessi editzione de custu cuncursu importante meda; sunt imbetzes de su 2020 su reconnoschimentu de sos “Tre Bicchieri” de su Gambero Rosso pro su Terresicci 2014 e su de sa corona “Guida Vini Buoni d'Italia” otentu dae su Perlas 2018.

 

© RIPRODUZIONE RISERVATA

Dae sa terra a sa butìllia

Progetu realizadu cun sa partetzipatzione de sa Regione Autònoma de Sardigna – L.R. LR 22/2018, art. 22

Image
Regione Autonoma Sardigna

Aciungi unu cumentu