Coronavirus: arribant 10milla eurus de su Comunu de Neunele po sa didàtica de àtesu

In custu momentu de apretu mannu, su Comunu de Neunele at a ponni 10milla eurus po is otanta istudiantis de calisisiat gradu - de is elementaris a s'universidadi - de sa bidda. S'iscopu est su de agiudai a is famìlias cun sa didàtica de àtesu acontèssia a pustis de sa serradura de is iscolas po mori de su coronavirus.

Su dinai depit essi impitau po sa còmpora de tablet e de càrrigas po sa connessioni a internet. Is tablet ant essi donaus in comodatu a is alunnus inditaus de is iscolas.

“Sa didàtica de àtesu – pretzisat su Sìndigu Salvatore Cau – est unu tema chi at fatu intendi luegu sa netzessidadi de intèrvenniri”, e acrarat: “castiendi comenti est fata sa sotziedadi nostra, aundi is fillus de is famìlias chi istant mellus tenint sa possibilidadi de sighiri sa didàtica de àtesu, eus pentzau de depi agiudadi [...] a chini s'agatat in nd-una situatzioni de discumbèniu, donendi una manu a sa propassada de sa distàntzia digitali”.

Su bandu at a bessiri in su giassu de su Comunu lùnis chi benit, 6 de su mesi de arbili.