Coronavirus: "Cronache della quarantena", su progetu de Catartica Edizioni

Si lamat "Cronache della quarantena" su progetu de Catartica Edizioni, chi tenit sa punna de arregolli istòrias, lìteras, contus e apensus nascius de esperièntzia de custa corantena fata a sa marolla e po mori de su coronavirus.

Is iscopus de su progetu funt su de creai una mamòria colletiva de s'acuntèssia chi est bivendi sa sotziedadi e su de premiai is traballus chi s'amostant innovativus. Is òperas premiadas ant essi arregortas in nd-un'antologia.

Is pubblicatzionis chi ant a bessiri ant essi tres: un'arregorta de cincu contus scritus de is nòminis prus connotus de Catartica - est a nai: Claudia Desogus, Fabrizio Raccis, Maggie S. Lorelli, Marco Lepori e Tea Salis -; una arregorta de apensus polìticus-filosoficus chi ant a ispricueddai is cusseguèntzias de is restritzionis impostas a sa sotziedadi; un'antologia cun is contus crutzus prus bellus sceberaus de sa redatzioni de “Catartica Edizioni”. Is òperas depint lompi a s'indiritzu e-mail: catartica.manoscritti@gmail.com intru de su 30 de arbili 2020. Innoi s'agatat su regulamentu po pigai parti a su cuncursu.

Is òperas publicadas ant essi presentadas in sa de tres editzionis de su Festival Sas Puntas, prevìdiu po s'11, su 12 e su 13 de su mesi de cabudanni in Tissi. S'eventu est aprontau cun s'agiudu de Indielibri.info, s'Associazione Culturale Flin, sa Pro Loco e s' Amministratzioni Comunali de Tissi.

Una parti de su dinai guadangiau at essi donau - atressu de s'assòtziu de Oncoematologia “Mariangela Pinna” O.n.l.u.s. de Tàtari, a is ispidalis chi in Sardigna ant gherrau contra a su covid-19.