Coronavirus: is fainas de is bibliotecas de Casteddu tramudant in su web

Po mori de su coronavirus sa genti no podit andai ni in is bibliotecas ni in s'archìviu comunali de Casteddu. Pro custa arrexoni, de su 1 de su mesi de arbili passau, atressu mèdius comenti su progetu “SocialBiblioblus”, is fainas de su “Sistema Bibliotecario” e de s'”Archivio Storico” de Casteddu tramudant in su web e prusatotu in su social network Facebook.

Si cumintzat dògnia diri a is 9.30 cun su “Buongiorno musicale”. Is programmas, perou, funt medas e medas cumprius, pentzaus po acuntentai mannus e piticus, po giogai, po si diverti, po fai cresci una comuninadi ativa.