Coronavirus: in Tissi s'initziativa “Racconti al balcone”, un'atòpu dedicau a is pipius

Is assòtzios Fàula Festival e Lampos e Tronos impari impari cun is grupus Motivatissimi e Effetto Tissi ant postu in pei unu progetu po alligerai su tempus de s'inserru.

Est cumentzada ariseru, su 5 de su mesi de arbili, s'initziativa “Racconti al balcone”, promòvia de is assòtzios Fàula Festival e Lampos e Tronos. Su progetu, chi s'at a tenni dògnia merì in Tissi a is 20.00, est dedicau prusatotu a is pipius, chi in custu momentu de apretu sunfrint po mori de s'inserru in domu.

“Racconti al balcone” proponit de ascurtai contus de autoris de literadura po pipius e de ddu fai dognunu de sa fentana o de is balconis de domu sua. Is contus ant essi lìgius dògnia diri candu ndi calant is murighìngius de sa diada. A is otu de merì, difatis, in is biddas sardas est totu mudu.

Is legiduras ant essi fatas de s'atori Giommaria Manunta, ma po podi intendi mellus is fueddus ddu at ai fintzas sa possibilidadi de sighiri su contu atressu su social network Facebook.