“NEI NOSTRI PANNI”: su progetu de s'ISRE po imparai sa cultura nostra in tempus de coronavirus

S'initziativa est una proposta de su Museu po nci passai su tempus in custa diris de inserru
10 Arbili 2020
isre nei nostri panni

Dexi disegnus de colorai. Est una manera de giogai imparendi calencuna cosa de sa cultura nostra. Su tìtulu est “NEI NOSTRI PANNI - 10 tavole da colorare come vuoi tu” e est un'initziativa chi s'ISRE de Nùgoro proponit po nci passai su tempus in custas diris de inserru.

Cun custu progetu s'Istitutu torrat a presentai s'idea chi est stètia su fundamentu de unu caminu fatu de su 2008 a su 2010, candu, po mori de is traballus in sa parti de su Museu dedicada a is aparadas, si fiat postu manu a calincunu progetu po is pipius de s'iscola. Is temas tocaus fiant su de sa tessidura e su de is bistimentas de sa traditzioni sarda.

Oi su progetu est simpli meda: bastat a ndi scarrigai is disegnus aprontaus de S'ISRE in sa pàgini Facebook de s'Istitutu e a si ponni a colorai cun atentzioni a totus is diferèntzias e a is tintas.

 

© RIPRODUZIONE RISERVATA