Sos binos “1Sorso”: tres ampuddas chi costoint sos sabores de sos montigros e de su mare

Un'istòria chi durat dae chentu-chimbanta annos e prus
6 Làmpadas 2020
1Sorso

* Dae sa terra a sa butìglia * - "1Sorso". Est custu su nùmene de s' "Azienda Agricola Leonardo Bagella", chi s'agatat in localidade Trunconi, in sos sartos de sa comuna de Sòssu.

Semus faeddende de una realidade produtiva chi at un'istòria longa, un'istòria de chentu-chimbanta annos e prus, chi est cumentzada in s'Otighentos, cando sa famìlia Bagella s'est posta a coltivare sos terrinos suos.

Posca, in sos annos Chimbanta de su Noighentos, est istadu Mario Bagella a cumintzare a pastinare sas bides de una realidade chi in sos annos in fatu est divènnida interessante meda in intro de su mundu de sa produtzione de sos binos.

Galu, in sos annos Noranta sa ghia de s'azienda est passada a Leonardo, su fìgiu de Mario. Leonardu est unu pitzocu chi costoit sa memòria istòrica e is balores de s'azienda vitivinìcola de sa famìlia sua e chi, in su matessi tempus, abaidat a su benidore.

Sas bìngias chi donant vida a sos binos “1Sorso” gosant de unu clima favoràbile, de s'espositzione particulare de sas terras a sa lughe de su sole e de sa cumpositzione de sos terrinos chi acasazant sas bides suas. In prus, su mare est a curtzu dae sos cùcuros in ue s'agatant sas matas. Custas etotu, duncas, ant vantàgiu dae su bentu chi a su note batit su friscu.

Binos 1Sorso

Sas bides allevadas dae custa realidade produtiva de Sardigna sunt mescamente su Vermentinu, su Cannonau, su Muscadellu e su Cagnulari. Semper e cando, sos de “ Azienda Agricola Leonardo Bagella” coltivant finas Muristellu, Caricagiola, Girò e Pascale de Casteddu.

Sos resurtos de su traballu in bìngia e in cantina sunt tres etichetas de primore, unu binu nieddu e duos biancos: unu “Cannonau”, chi comente sos àteros binos est produidu feti cun un'arregorta manuale, e est una bèvida callente e carca; unu “Vermentino” a sabore de cariasa, e unu Muscadellu, su “Millenovecento64”, una bèvida frisca chi at nuscos de frùtora sicada, de mele e flores de aràngiu.

Pro intrare in sa domo de sos nuscos e de sos sabores de s' “Azienda Agricola Leonardo Bagella” non b'est àtera cosa de fàghere: tocat a tastare sos binos issoro!

© RIPRODUZIONE RISERVATA

Dae sa terra a sa butìllia

Progetu realizadu cun sa partetzipatzione de sa Regione Autònoma de Sardigna – L.R. LR 22/2018, art. 22

Image
Regione Autonoma Sardigna

Aciungi unu cumentu