Anglona: su birrifìtziu màstrinu de sas "Amistade"

* Dae sa terra a sa butìllia * - Naschet in Tzaramonte (pro sa limba mamma de sos gadduresos Chjaramònti) in su 2014 e est unu birrifìtziu de primore chi at su nùmene de una regione istòrica de Sardigna, s'Anglona. Una regione ispantosa chi s'acarat in su Golfu de S'Asinàra.

Frutu de un'idea de Gian Piero Doneddu e de sa passione sua pro birrificatzione, Anglona in pagos annos s'est afirmadu pro àere una proposta superlativa, chi si distinghet pro sabore e nuscos.

Anglona est una realidade brassìcola màstrina chi faeddat in sardu. Difatis, est espressione berale de su territòriu chi li faghet de domo.

Produida cun su mètodu all grain, custa birra de Sardigna si mustrat comente una bèvida de calidade manna, capassa de satisfàghere sos palados chi esigint su mègius.

Sos produtos de su birrifìtziu Anglona, difatis, sunt fatos feti cun ingredientes isseberados cun atentzione. Onni ampudda costoit sos mègius lùpulos, maltos e madrighes. Intre sas matèrias primàrgias s'impreat fintzas s'abba de sa mitza de su Limbara.

Sa birra màstrina firmada Anglona est istada batijada "Amistade" e est presente in su mercadu cun tres propostas interessantes: s'eticheta "Amistade Tzara", sa "Amistade Stout" e sa "Amistade Granada". In totus sas bèvidas sa madrighe si traballat tra sos 15° e sos 23° grados. Galu, semus faeddende de birras chi non sunt pastorizadas, non sunt coladas e torrant a buddire in intro de sas ampuddas.  

Onni proposta "Amistade" biet sa lughe pro acumpangiare sos produtos tìpicos de s'Anglona: dae sa Stout, una birra iscura, niedda che pighe e incubonada pro tempus meda, a sa Golden Ale, bèvida crara de 5 grados de alcol frisca e beverina, fintzas a lòmpere a sa Strong Ale, una birra a colore de pinnadellu e lupolada meda. Totus sas etichetas bient sa lughe pro isgloriare su paladu.

Sas "Amistade" sunt birras de tastare cun su paladu e cun sas nares puru. Onni bucada est unu praghere sena de làcanas chi donat semper emotziones ùnicas, comente feti unu produtu fatu cun passione podet trasmìtere.