Birras P3 Brewing: dae su 2012 cun passione e professionalidade

Sete ampuddas fatas cun matèrias primàrgias isseberadas cun atentzione
23 Argiolas 2020
pe brewing

* Dae sa terra a sa butìllia * - Ghiadu dae Giacomo Petretto e dae Pierpaolo Peigottu, duos amigos ligados dae s'amore pro sa birra, P3 Brewing est unu birrifìtziu chi at sas raighinas suas in duos elementos importantes: sa passione e sa professionadade.

P3 Brewing s'agatat in Tàtari, pro sa pretzisione in sa zona industriali-artesanali de Predda Niedda  - in carrera Caniga 64 -, e faghet bèvidas màstrinas. S'eticheta P3 Brewing, difatis, proponet feti birras de calidade manna.

Su birrifìtziu est nàschidu in su mese de austu de su 2012 dae un'idea de su mastru birràiu Giacomo Petretto
, dae tempus meda giai homebrewer.

Posca, su resurtu de su traballu fatu dae sos duos amigos est divènnidu una realidade brassìcola interessante chi in diri de oe proponet a su pùblicu suo sete ampuddas, sete produtos capassos de satisfàghere onni paladu.

Sas bèvidas produidas funt fatas feti cun matèrias primàrgias isseberadas cun atentzione.

Sas propostas de P3 Brewing sunt birras non coladas, non pastorizadas e chi torrant a buddire in ampudda e in tambulana.

Bisòngiat a narrere ca s'ànima de onni bèvida atraessat su caminu de sa traditzione anglosassone.

Speed, 50 Nodi, 100 Nodi, Riff, Jordi, Turkunara, Iarda e West Coast Sardinia sunt sas etichetas propostas dae custu birrifìtziu tataresu chi at comentzadu sa produtzione sua cun sa Speed; una birra Golden Ale de 5 grados de alcol, beverina e perfeta a la bufare comente aperiente.

In diri de oe, su de custu birrifìtziu est unu nùmene importante chi at batidu a domo prèmios e reconnoschimentos; tra sos ùrtimos bisòngiat arregordare cussu lòmpidu dae Slow Food Editore, chi at dadu a custa realidade produtiva su reconnoschimentu de Primore intro sa “Guida alle birre d’Italia 2021”. Difatis, Speed, 50 Nodi e Jordi sunt istadas classificadas dae s'editore comente birras chi non si podent pèrdere.

© RIPRODUZIONE RISERVATA

Dae sa terra a sa butìllia

Progetu realizadu cun sa partetzipatzione de sa Regione Autònoma de Sardigna – L.R. LR 22/2018, art. 22

Image
Regione Autonoma Sardigna