“Sardegna - Un Laboratorio Infinito”: su progetu artìsticu de Casa Falconieri in su “Castello San Michele”

De su 3 de su mesi de argiolas su “Castello San Michele” de Casteddu at torrau a oberri is ennas de domu sua cun nd'unu progetu artìsticu aprontau de su “Centro di sperimentazione e ricerca Casa Falconieri” e de Efisio Carbone, stòricu de s'arti famau.

Sa mustra, chi tenit comenti tìtulu “Sardegna - Un Laboratorio Infinito”, at a sighiri fintzas a su 20 de su mesi de cabudanni e tenit a coru su traballu de tres artistas: Gabriella Locci, Rosanna Rossi e Giovanna Secchi.

Acanta a custas fèminas, chi ant donau meda a sa Sardigna, ddoi funt is traballus de unu grupu de artistas prus giòvunus: Alberto Marci, Veronica Paretta e Vincenzo Grosso, nòminis giai connòscius in campu internatzionali.

Po permitiri a totus de bisitai sa mustra is ecas de su “Castello San Michele” abarrant obertas dògnia diri de su de su martis a su cenàbara de is 16.00 a is 21.00, e de su sàbudu a su domìnigu de is 10.00 a is 13.00 e de is 16.00 a is 21.00.