Su “Movimento Turismo del Vino Sardegna” promovit s'enoturismu sardu

Una vacàntzia in bìngia ispantosa de prenotare cun antìtzipu
20 Argiolas 2020
Movimento Turismo del Vino Sardegna

Argiolas, Audarya, Cantina Antonella Corda, Cantine Aru, Cantina Berritta, Cantine di Dolianova, Cantina di Dorgali, Cantina Lilliu, Cantine Su'entu, Contini, Nuraghe Cabrioni, Olianas, Pala, Poderi Parpinello, Sella & Mosca, Tenute Costadoria, Tenuta Muscazega, Tenute Olbios, Tenute Pili, Tenute Soletta e Vigne Surrau sunt sas 21 cantinas de su "Movimento Turismo del Vino Sardegna" impignadas in sa promotzione de s'enoturismu isulanu.

Sa punna est sa fàghere bìvere a su forasteri una vacàntzia in bìngia chi non si podet ismentigare. Una vacàntzia cundida de pasu, paesàgios meravizosos, de màndigos e de produtos tìpicos acumpanzados dae binos primorosos.

Sa proposta turìstica de su "Movimento Turismo del Vino Sardegna" est arrichida de aperientes bufados a s'intrinada, de momentus de yoga tra su birde de sa natura e s'abba de su lagu, de passizadas a caddu, de àndalas acumpangiadas dae su sonu de sas campanas tibetanas, dae àndalas de trekking e de totu una sèrie de momentus chi promovint sa cultura de su binu cun bìsitas ghiadas in sos logus in ue si faghet su binu.

Onni faina cheret èssere prenotada cun antìtzipu.

Est importante bestire s'amparu de pònnere a nasu e buca, igenizare sas manos e non cuncambiare su postu assignadu. Galu, no est mancu possìbile cumpartziri binu e màndigos.

© RIPRODUZIONE RISERVATA
Tags