In Crabònia sa proposta licanza de su “Birrificio Mediterraneo”

Birras chi dae su 2016 sunt boghe de s'amore pro sa calidade
8 Austu 2020
birrificio mediterraneo

* Dae sa terra a sa butìllia * - "Linea Classica", "Linea Selezione" e "Linea 18 12". Sunt custas sas tres propostas de su "Birrificio Mediterraneo" de Crabònia, una realidade brassicola màstrina chi at pesadu un'idea de birra chi costoit totu sa passione mediterrànea. Sa passione chi agatamus in sa Pale Ale Diciottododici, in sa Double Ipa Accabadora, in sa Iga Birbosa, in sa Imperial Porter D'Imma, in sa Blanche Ispana, in sa American Ipa Majora, in sa Pale Ale Mediterranea, in sa White Ipa Pompia Est e in sa Tripel Sovrana.

Nàschidu in su 2016 dae sa boulontade de Franco Spanu, su "Birrificio Mediterraneo" biet sa lughe cun sa punna de connòschere su mundu ispantosu de sas birras màstrinas de calidade. In prus de sa passione, a afortiare s'idea de Franco est istadu puru s'adòbiu cun sos mastros birràios Antonio Matzei e Ottavio Naseddu.

S'amore pro sa calidade, su rispetu de sas matèrias primàrgias, sas cumpetèntzias imprenditoriales de Franco sunt su tzimentu de unu progetu importante chi faghet faeddare de sei.

Pro sos de su "Birrificio Mediterraneo" creare sa birra est unu biàgiu interessante peri sas alchimias de sa natura. Unu biàgiu meravigiosu chi cheret sabidoria, passione, esperièntzia, umiltade, istùdiu e atuamentu.

Pro realizare custu progetu birràiu sa primu cosa fata est istada sa de chircare cun atentzione matèrias primàrgias primorosas. Posca, onni ingrediente si pesat cun pretzisione. Duncas, su traballu sighit cun sa molidura de su maltu. A pustis custu ingrediente at a bènnere mesciadu cun s'abba e cun sos àteros cereales. Totu custu si faghet pro sa produtzione de su mùstiu de birra pro mèdiu de sa trasformatzione de sos àmidos de s'òrgiu etotu.

birras

Posca de sa coladura, su mùstiu sighit sa buddidura; custa est sa fase de lupoladura, una fase importante chi determinat su tastu marigosu de sa bèvida. Galu su mùstiu est tzentrifugadu e postu a isfridare. In fines si tramudat in intro de sas cubedinas de incubonadura e cumpridura.

A manera crara, onni eticheta abisòngiat de tempos pròpios e de atentziones dislindas chi pertocant s'istile e sa tècnica de su mastru birràiu.

Est s'isperimentatzione fitiana chi faghet de ghia a totu sa filosofia de su birrifìtziu de Crabònia. Cun custa punna si produint birras noas chi contat sa Sardigna.

Sos istiles produidos dae custa realidade brassìcola lompent dae sa traditzione tedesca, belga, inglesa e americana. Sas etichetas propostas sunt totus bèvidas chi meressent de èssere consideradas ca sunt produtos licanzos meda. Sunt unu donu bellu chi Franco Scano at fatu a sos amantiosos de sa birra.

© RIPRODUZIONE RISERVATA

Dae sa terra a sa butìllia

Progetu realizadu cun sa partetzipatzione de sa Regione Autònoma de Sardigna – L.R. LR 22/2018, art. 22

Image
Regione Autonoma Sardigna

Aciungi unu cumentu