Apretu coronavirus: ativu su serbìtziu de agiudu psicologicu de s'Ats-Assl de Aristanis

Is personis ant a podi telefonai su martis e su cenàbara a mengianu de is 9.00 a is 13.00
5 Ladàminis 2020
serbitziu psicologicu

Cun sa punna de donai una manu de agiudu a totu is personis chi tenint arragus psicològicus ocasionaus de s'apretu coronavirus, su “Servizio di Psicologia” de s'Ats-Assl de Aristanis at torrau a ativai sa lìnea telefònica dedicada a su covid -19.

Arregordaus ca sa lìnea est stètia ativada in su mesi de martzu passau, in sa fasa 1 de sa pandemia, ma in diri de oi est netzassàriu a dda torrai a ponni po mori de s'aumentu de su nùmeru de personis chi funt in corantena.

Su nùmeru de telèfonu de su serbìtziu de agiudu psicològicu, ativu dògnia martis e dògnia cenàbara, est su 349.7758690. S'at a podi telefonai de is 9.00 a is 13.00 de mengianu.

© RIPRODUZIONE RISERVATA