Apretu coronavirus: sa "Lila Cagliari" aprontat un'atòbiu a sa cida po fai fai su test de s'HIV a chini ndi tenit abisòngiu

Sa detzisioni de sa "Lila Cagliari" est arribada a pustis de sa serrada de is tzentrus de maladias apedemiosas de is ispidalis casteddaius
2 Onniasantu 2020
hiv test

Is arragus chi ndi betit su covid-19 non ferrint sceti a sa saludi de chini tenit su virus, ma funt medas e grais puru. A ddu denuntziai est sa “Lila Cagliari”, chi atressu de una nota de imprenta fait sciri ca fintzas a su 15 de su mesi de onniasantu, chini tenit sa netzessidadi de unu test po s'HIV non dd'at a podi fai in is tzentrus de maladias apedemiosas de is ispidalis casteddaius.

Propiu po custa arrexoni, po tutu su mesi de onniasantu sa "Lila Cagliari" at detzìdiu de oberri is aposentus cosa sua una borta a sa cida: sa punna est sa de permitiri a chini ndi tenit abisòngiu de fai su test po s'HIV.

Po fai su test tocat primu a ddu prenotai telefonendi a su numeru 3475565300 in is diris de lunis de is 18.00 a is 21.00 o de martis e cenàbara de is 18.00 a is 20.00.

© RIPRODUZIONE RISERVATA