"Is cundennaus de sa terra" de Franz Fanon

"Fintzas a candu no as a cumprèndiri custu nàsciri e torrai a nàsciri as a èssiri unu cumbidau tristu in custa terra scurigada" (J.W. Goethe)

Is fuedhus scritus in sardu de custu poster e in custu muredhu de s'Universidadi casatedhaja a sa Dukissa, funt de is primus annus otanta. Funt fuedhus de autoris de importu mannu meda in s'istòria de is bideas de is personis. E si bollu cumbidai a lìgiri custu lìbburu de Franz Fanon, ca est stètiu unu de is prus lìgius de su “movement” mundiali de libberatzioni internatzionali de cudhus annus.
Custas pàginis iant acumpangiau a s'indipendèntzia de s'Algeria contras a su colunialismu frantzesu.
Femu ligendi su lìbburu de Frantziscu Sedha "S'istòria bera de sa pandela de is sardus" bessiu in su 2007, ma ita làstimu scritu sceti in itallianu, e apu agatau arremonau in sa libburugrafia su lìbburu de Franz Fanon. Mi dhu seu circau a perdas furriadas, dh'apu agatau e comporau ca femu disigendi de dhu torrai a lìgiri apustis de prus de trint’annus de sa primu borta.
Mi femu torrendi a gosai custa noa prentada, fintzas issa de su 2007, candu apu atobiau custas fràsias chi emu giai bistu scritas in custu poster, chi tengu apicau in domu che prenda manna, e chi s'amostu innoi in giossu, po si dhu fàiri cannòsciri fintzas a bosàturus.

Pàgini 171

"Sa natzioni no est sceti cunditzioni de sa curtura, de s'atriviri suu, de su sighiri a s'arrennovai suu, de s'afungorai suu. Est fintzas un'esigèntzia. Est primu de totu su cumbatimentu po s'esistèntzia natzionali chi scotzat sa curtura, a dhi scaringiai is gennas de sa creatzioni. Prus a trigadiu at a èssiri sa natzioni a assigurai a sa curtura is cunditzionis de su chi pertocat s'espressividadi".

Francu De Fabiis