Aristanis: unu Carnovali sena de sa Sartìglia

Is atopus aprontaus de sa Fondazione Orinano e de su Comunu
31 Gennàrgiu 2021
sartiglia

Po mori de su Coronavirus su 2021 at èssiri po is Aristanesus e po sa genti de totu sa Sardigna unu Carnovali sena Sartìglia, una de is manifestadas sardas prus connotos addia de is lacanas isulanas.

Mancai su dannu e su dispraxeri non siant piticus, sa Fondazione Oristano non mollat sa festa e assegurat sa promotzioni de custa manifestada seculari. Ddu fait oferrendi a is aristanesus sa possibbilidadi de castiai is apuntamentus acapiaus a sa Sartìglia atressu de sa televisioni o de su web.

Sa Fondazione Oristano, impari a su Comunu de Aristanis, difatis, est traballendi a sa programmatzioni de unus cantu atopus chi ant a permìtiri de afestai su Carnovali 2021, chi at essi unu su Carnovali sena de sa Sartìglia.
Su primu atopu s'at a sboddiai martis 2 de su mesi de fiàrgiu cun su programma televisivu dedicau a sa Candelera: po is maistus de linna sa missa at essi fata in Catedrali, mentris a is 9.30, in sa crèsia de Santu Giuanni de Froris, s'at a sboddiai sa missa po is massajus. Is missas s'ant a podi castiai in direta tv colleghendusì cun SardegnaDue/EjatTv, opuru in sa pàgini Facebook “Sartìglia” o in sa pàgini de EjaTv e de Sardegna Eventi 24.

Fotografia de Giovanni Musio liada de Flickr

© RIPRODUZIONE RISERVATA