“Insula Natural Body Care”: su labboratòriu chi fait produtus chi nascit de sa natura

Produtzionis sustenìbilis po is pilus, sa peddi de sa faci e cussa de sa carena
19 Gennàrgiu 2021
terra

Terra - Traditzioni, innovatzioni e sustenibilidadi. Funt is tres elementus chi caraterizant is produtus “Insula Natural Body Care”, un'etichetta chi, cummenti si podit cumprèndiri de su nòmini etotu, afundat is arrexinis suas in Sardigna.

Difatis, funt is matas chi crescint in s'ìsula a ai donau vida a custu marcu. Unu marcu chi at fatu nàsciri produtus po sa bellesa e sa cura de sa peddi de sa faci, de sa carena e po is pilus puru.

S'idea est benia a conca a Raffaele Bangoni, unu piciocu nàsciu in Orthullè, biddixedda chi s'agatat in su Supramonti. De sa voluntadi e de sa cumpetèntzia de Raffaele est nàsciu su labboratòriu cosa sua, unu logu innoia si creant produtus chi lompint de sa natura arrespetendidda.

Su resurtu de su traballu de Bangoni aintru de su labboratòriu suu funt produtzionis biudegradabbilis. In prus, su fragu insoru est cussu bellu de is erbas chi crescint in terra sarda.

terraCandu at biu sa luxi, Insula s'est presentada in su mercau cun cincu sabonetas feti. Tra is sabonis ddoi at finas “Aina”, sa saboneta fata cun su lati de burrica, e “Latte 'e craba”, cussa creada cun s'impreu de su lati de craba. Funt produtus pensaus po si sciacuai arrespetendi is peddis prus delicadas.

In is annus, a is cincu sabonetas si funt aciuntas àteras produtzionis ispantosas. Po fai calincunu esèmpiu feti, tra is produtus a marcu Isula agataus “Saliu”, su scrub po sa peddi de sa carena, “Lisu”, s'ollu po dda nudriai, “Mutta”, su saboni tostau chi serbit po si sciacuai sa peddi e is pilus puru; “Tzinìbiri”, s'ollu po sa braba e po finas “Cara”, sa crema po sa faci.

Po sa creatzioni de is etichetas funt istètius isceberaus po su prus nòminis in lìngua sarda. Is botixeddus, is ampuddas e is imboddicus funt su frutu de un'istùdiu aprofundau. Su disignu de s'azienda torrat a sa natura etotu. Difatis rapresentat una craba.

In su giassu de su picioccu de Orthullè si podint agatai totu is nòminis de is butegas innoia est possibbili agatai is produtus “Insula Natural Body Care”.

Attività realizzata col contributo della Regione Sardegna - IMPRENTAS 2020-2021. LR 22/2018, art. 22

© RIPRODUZIONE RISERVATA
Tags