Terrantiga: s'organizatzioni de abiaresus chi pesat is abis a manera sustenìbili

De su 1800 Terrantiga traballat po su benidori de sa natura
9 Gennàrgiu 2021
terra

Terra - Filla de un'idea de Salvatorangelo Deriu e Assunta Collu, Terrantiga, un'organizatzioni de produtoris chi s'agatat in Santu Sparau, at cumentzau su caminu suu in su 1800 cun sa punna de agordai e pesai abis arrespetendi sa natura.

Oi Terrantiga est lòmpia a su de cuatru inzennerus de abiaresus chi sighint a mandai a innantis is imparus de is antepassaus insoru: ddu faint atressu de un'allevamentu de abis pesadas a manera sustenibili, etica e lìmpia.

Sa polìtica de Terrantiga si movit sèmpiri pighendi in cunsideriu su benessiri de is abis e su de is allevadoris puru. Su pentzu chi tenint in conca custus produtoris est su benidori de sa natura. Po custa rexoni is abiaresus Terrantiga allevant scéti ratzas de abis autòctonas e ddu faint a manera biològica.

terraDògnia botu de meli chi tenit s'eticheta Terrantiga (meli de aràngiu, meli de ocalitu, meli de lioni, meli de gureu, meli de cadrilloni, meli de murarrù, meli de eda, meli de is montis de su Montiferru e de su Goceanu e meli de tupa mediterranea) costoit is saboris e is fragus de Sardigna. Is allevadoris de abis de custa organizatzioni, difatis, si movint de su padenti de Burgos a is costeras de Teulada e donant assistu a is aziendas de abis chi tenint bisòngiu de fai crèsciri is abiàrgius insoru.

In prus de su meli Terrantiga produit finas s'"Abba de mele", una saba de meli antiga meda chi nascit cumenti unu sutaprodutu de sa prentzadura de su meli. S'"Abba de mele" Terrantiga est insaboria cun aràngiu e melabiròngia.

Sa proposta biològica e sustenibili de Terrantiga non finit aici: s'organizatzioni pruduit finas birras mastrinas, papa reali frisca de Sardigna, leu biològicu friscu e ceròbida. Tra is produtus cosa sua s'agatat “Su boboi”, is caramellas prenas de meli biològicu fatas cun ingredientis naturalis e chentza de impitai colorantis produidus a manera artifitziali.

Terrantiga non produit scèti cosas de papai, ma pentzat finas a sa bellesa e su benessiri de sa carena. Ddu fait cun produtus chi andant de is sabonis a is cremas, de is scrub a is profumus.

Attività realizzata col contributo della Regione Sardegna - IMPRENTAS 2020-2021. LR 22/2018, art. 22

© RIPRODUZIONE RISERVATA
Tags