Darwin Day: su mammuth sardu po regordai Charles Darwin

Su Muniss aprontat un'atobiu online
10 Fiàrgiu 2021
darwin day

In totu su mundu s'at a tenni su 12 de su mesi de fiàrgiu su Darwin Day, chi at a arregordai Charles Darwin in sa diri de sa nàscida sua. Po custa ocasioni su Muniss, Museo iscientificu de su Universidadi de is Istùdius de Tàtari, at a regordai su babbu mannu de sa teoria de s'evolutzioni cun un'atopu online dedicau a s'iscoberta de unu fossili de “Mammuthus lamarmorai”, connotu comenti su mammuth sardu.

S'atopu s'at a tenni a is 18.00 e a ddu ghiai ant essi Marco Zedda, Professori de Anatomia de is animalis in s'ateneu tataresu, e Maria Rita Palombo, istudiosa chi impari a Zedda  at pubblicau un'artìculu iscientìficu in s'“Alpine and Mediterranean Quaternary”, unu giornali meda famau in campu iscientìficu.

© RIPRODUZIONE RISERVATA