Isvilupu sustenìbili: acòrdiu intra s'Universidadi de is Istùdius de Casteddu e sa Regioni

Est de su 2016 s'impignu de s'ateneu casteddaju in matèria de sustenibilidadi
4 Fiàrgiu 2021
terra

Premiada de sa Classifica Greenmetric (sa classifica chi avalorat is Universidadis de totu su mundu in matèria de sustenibilidadi e de arrespetu po s'ambienti), UniCa s'amostat comenti una realidadi virtuosa meda in matèria de sustenibilidadi. Est tuchendi de custu impignu mannu chi nascit sa coperatzioni intre s'ateneu de Casteddu e s'Assessoradu de sa defensa de s'Ambiente de sa Regione Autònoma de Sardigna.

Cun custu acòrdiu s'Universidadi de is Istùdius de Casteddu afortiat s'impignu pigau in su 2016 in matèria de isvilupu sustenìbili. Sa punna est cussa de sodigai is iscopus inditaus in s'Agenda 2030 de s'ONU.

Ma ita previdit s'acòrdiu firmau de Regioni e Universidadi? Custu acòrdiu previdit su cumprimentu de fainas istitutzionalis chi ant a individuai programas de interessu comunu po lòmpiri a is 17 obietivus de isvilupu sustenìbili chi s'agatant in s'Agenda ONU 2030.

unicaIs obietivus de s'Agenda funt: sa posta in òpera de atzionis chi cuntrastint is efetus negativus de sa mudada de su clima; sa difusioni de pràticas de sustenibilidadi ambièntali fatas comenti si depit (seus fueddendi de pràticas in matèria de Green public procurement); sa posta in òpera de una cultura de educatzioni ambièntali, chi s'at a depi sboddiai atressu de istùdius, programas e progetus; sa promotzioni e sa posta in òpera de atzionis chi ant a tenni sa punna de mantèniri, avalorai e fai crèsciri sa connoscèntzia e su costoimentu de sa biodiversidadi e de is serbìtzius ecosistemicus; sa promotzioni de sa connoscèntzia e de s'isvilupu de is pianus e de is programas po sa gestioni integrada de is risorsas ambièntalis e urbanas; s'afortiamentu de sa governance intre su sugetu pùblicu e su sugetu privau.

No est totu. Is 17 is obietivus de isvilupu sustenìbilì funt acapiaus a istrintu a is 169 lòmpidas chi is Paisus e is tzitadinus depint segudai intru su 2030.

Attività realizzata col contributo della Regione Sardegna - IMPRENTAS 2020-2021. LR 22/2018, art. 22

© RIPRODUZIONE RISERVATA
Tags