Bugerru: unu caminu de turismu sustenìbili

Unu progetu de sa Cunservatoria de is Costeras
6 Martzu 2021
terra

Terra - Est unu progetu regionali chi si lamat “Buggerru Destinazione Sostenibile”. Est ladinu ca su coru de sa proposta est sa sustenibilidadi e a èssiri pretzisus is arrèxinis cosa sua funt in su turismu sustenìbili.

Su progetu “Buggerru Destinazione Sostenibile” est un'initziativa de sa Cunservatoria de is Costeras, chi at donau vida a su primu Ecu-Ospedu in Sardigna, un'istrutura chi nascit recuperendi s'ex ispidali de Bugerru, est a nai s'ispìdali de su perìudu mineràriu.

Bisòngiat a sutalineai ca “Buggerru Destinazione Sostenibile” integrat is obietivus de sa sustenibilidadi a totu s'oferta turìstica de unu territòriu importanti. Seus fueddendi de unu turismu chi non fait dannu a s'ambienti e chi non podit rapresentai un'impedimentu po àteras fainas sotzialis e econòmicas.

terraSu territòriu de su progetu est interessanti meda. Innoi, difatis, s'agatant àreas de primori, cummenti “Is Compinxius - Campo Dunale di Buggerru – Portixeddu”, “Capo Pecora” e su Parcu Geomineràriu Istòricu e Ambientali de Sardigna, su mantessi chi in su 1998 est istètiu declarau de s'UNESCO primu parcu-Geo-mineràriu, Istòricu e Ambientali de su mundu.

Su turismu sustenìbili pentzau aintru de su progetu “Buggerru Destinazione Sostenibile” tenit sa punna de donai un'acostiamentu istratègicu a su territòriu. Una proposta chi at a fai profetu a sa genti de su logu e a s'economia sua. Dd'at a fai atressu de un'oferta de calidadi. Un'oferta capassa de s'iscerai aintru de unu mercau cumpetitivu e po finas acapiada a is valoris de sa Cunservatoria de is Costeras.

Totu s'istrategia chi tenit comenti protagonista su territòriu de Bugerru s'at a isboddiai a ingìriu de s'Ecu-Ospedu, unu mèdiu fundamentali po ndi pesai una retza territoriali de acasàgiu po is abisiteris.

Cun sì'agiudu de sa Cunservatoria de is Costeras, duncas, Bugerru rapresentat su primu laboràtoriu de turismu sustenìbili in Sardigna, unu laboratòriu chi castiat a su paesàgiu e respetat s'ambienti e sa cultura de su logu.

Attività realizzata col contributo della Regione Sardegna - IMPRENTAS 2020-2021. LR 22/2018, art. 22

© RIPRODUZIONE RISERVATA
Tags