Desacrè: su respetu po s'ambienti de s'eco-sardoria de Nùgoro

Un'idea creativa chi nascit de sa conca de tres fèminas nugoresas
16 Martzu 2021
terra

TerraAcrònimu de “Design Sartoriale Creativo Ecosostenibile”, Desacrè rapresentat unu progetu de artesanau sartoriali chi impreat materiali eco-sustenìbili.

Nàscia in su mesi de maju de su 2013 de un'idea de tres fèminas nugoresas, Viviana Pes, Valentina Deriu e Anna Orunesu, Desacrè est s'eticheta de unu progetu innoia guvernat sa filosofia de su riciclu. Difatis, is tres fèminas creant propostas ùnicas atressu de materiali riciclau comenti cussu de cartellonis publitzitàrius in pvc recùperaus de is museus, sa gommapiuma, is chintòrgius de seguresa, is refudus de tapetzeria e su trigiou. Po fai un'esempiu feti, cun is banner publitzitàrius is tres piciocas ant creau unas cantu borsas. Una de custas est dedicada a s'iscultori sardu Francesco Ciusa e est fata cun su banner de sa mostra permanenti chi s'agatat in su museu TRIBU.

Sa de Desacrè est un'aventura chi pentzat a s'ambienti e chi cun is annus s'est arricada ponendi a campu àteras fainas puru. Intre custas ddoi at s'hobistica e si càstiat puru a s'incroia sotziali e a sa coperatzioni. In su 2018, difatis, Desacrè est nàscia a manera ufitziali comenti coperativa sotziali cun sa punna de imparai s'arti de s'eco-sartoria.  

Su macru nugoresu creau de Valentina, Anna e Viviana non si frimat mai e si rennovat sémpiri isperimentendi materialis, formas e mèdius de comunicatzioni nous.

desacreSu progetu est una realidadi chi at fatu de sa creatividadi eco-sustenìbili su manifestu cosa sua, acostagendi is acessòrius a installatzionis, trastus, bistiris, isculturas, merchandising po is museus, po clientis privaus e aziendas, e costumis po artistas e performer.  

Dògnia proposta est fata a manera artesanali. Non est po nudda ca sa produtzioni, a cumentzai de sa circa de is materialis fintzas a lòmpiri a su produtu prontu po sa bèndida, est filla de unu traballu èticu e sustenìbili chi càstiat sèmpiri a su valori artìsticu de s'ogetu.  

In sa butega artesana de Desacrè in prus de de is propostas de s'eticheta de domu si podint comporai  is “prendas” de àterus designer, artistas e artesanus. Ma non est acabada innoi, poita sa butega-showroom de Nùgoro fait puru propostas de formatzioni po is chi olint imparai a cosiri e a impreai is materialis de riciclu.

Attività realizzata col contributo della Regione Sardegna - IMPRENTAS 2020-2021. LR 22/2018, art. 22

© RIPRODUZIONE RISERVATA
Tags