Su Grenache du Monde lompit a sa de IX editzionis

Funt obertas is iscritzionis po su cuncursu internatzionali “Grenache du Monde” dedicau a is binus grenache.

Su cuncursu lompit ocannu a sa de IX editzionis e est aprontau de su “Conseil interprofessionnel des Vins du Roussillon (CiVR)”, chi tenit unu partenariau cun s' Agenzia regionali “Laore Sardegna”.

Sendu su 2021 un'annu particulari po mori de s'emergentzia sanitaria causada de su coronavirus, is binus s'ant a podi tastai feti de su 26 de arbili a su 5 de maiu chi benint e in logus difarentis: Cebreros po s'Ispagna, Ascoli Piceno po s'Italia, Châteauneuf-du Pape e Roussillon po sa Frantza.

Ant èssiri duas is setzionis de su cuncursu: sa primu est dedicada a is binus chi tenint prus de s'85% de grenache, e sa segunda est po binus cun prus de su 51% de grenache.

S'iscritzioni s'at a podi fai fintzas a su 31 de su mesi de marzu.

Po àteras scedas incraca innoi.