A sa de cincu editzionis su festival "Storie di donne...donne e la storia”

Sa manifestada culturali gosat de s'amparu de su comunu de Sestu
25 Làmpadas 2021
storie di donne

At a cumentzai oi, 25 de su mesi de làmpadas 2021, su Festival "Storie di donne...donne e la storia”, una manifestada culturali de importu chi ocannu lompit a sa de cincu editzionis e chi gosat de s'amparu de su comunu de Sestu.

Custu festival est nàsciu po contai su mundu de is fèminas atressu de s'arti e de sa cultura e su tema chi s'afrontat ndi fait unu festival originali meda.

Po oi s'atòbiu est a is 19.00 cun su teatru po piciocheddus de sa “Compagnia del Cocomero”. A pustis sa manifestada at a sighiri cun Elena Pau e Roberto Deidda de sa “Fabbrica Illuminata”. Is artistas presentant “Tanto vale ridere” de Franca Rame e Franca Valeri.

Su festival at a sighiri fintzas cras e pusticras cun atopus interessantis e de impignu sotziali.

© RIPRODUZIONE RISERVATA