Sustenibilidadi: Thiniscole afestat sa Diri Mundiali de s'Ambienti

S'atopu aprontau de s'"IC Istituto n° 1" de sa bidda
3 Làmpadas 2021
terra

Terra - Thiniscole afestat sa Diri Mundiali de s'Ambienti. Atentu a su tema de sustenibilidadi s'"IC Istituto n° 1 de Thiniscole" s'ammostat sensìbili a su benidori de sa Terra. Gràtzias a is fainas de sa de tres classis de s'Iscola Secondària de I gradu de s'IC n° 1 de Thiniscole, sa bidda in provìntzia de Nùgoro ammentat sa Diri Mundiali de S'Ambienti. Un'avenimentu chi est nàsciu in su 1972 de s'Assemblea Generali de is Natzionis Ùnias. Tocat a sutalineai ca sa primu diri ufitziali dedicada a sa festa est istètia su 5 de su mesi de làmpadas de su 1974.

Sàbudu chi benit s'Iscola Segundària de I gradu de s'IC n° 1 de sa bidda at a dedicai unu mangianu intreu a sa Diri Mundiali de s'Ambienti. Dd'at a fai dedichendi is fainas cosa sua a sa natura e a s'amparu suu. Totu s'at a sboddiai aintru de una lista de cosas de fai chi est cumpria meda. Dogna faina at a tocai temas chi pertocant sa sustenibilidadi. Intre custus temas agataus sa biodiversidadi, is fogus a is padentis e s'ischilìbriu idrogeologicu.

terraS'atòbiu didàticu de sa de tres classis de s'Iscola Segundària de 1° de s'IC de Thiniscole s'insertat aintru de is fainas de unu progetu promòviu de su Comunu de Lodè e de su CEAS Montalbo. Su progetu, chi tenit comenti nòmini "Pomona", at otentu unu finantziamentu de s'Assessoradu de sa defensa de s'ambiente de sa Regione Autònoma de Sardigna e at bintu su "Bando per la realizzazione di progetti di educazione all'ambiente da parte dei CEAS non accreditati".

Is traballus s'ant a obèrriri a mangianu cun su su documetàriu "Il bosco e l'incendio" chi fueddat de s'ecosistema, de is padentis e po finas de is dannus fatus de is fogus, de su prevenimentu e de sa gherra contra a su fogu. A sighiri ant a fueddai is traballadoris de su "CEAS Montalbo Lodè" chi ant a fai connòsciri is acàpius chi ddoi funt tra sa biodiversidadi, is fogus a is buscus e su cambiamentu climàticu. A pustis, su "CEAS Santa Lucia" de Thiniscole at a chistionai de s'importàntzia chi tenint is produtus comenti sa pompia, chi comenti si scit funt produtus acapiaus a sa biodiversidadi de su territòriu thiniscolesu.

Attività realizzata col contributo della Regione Sardegna - IMPRENTAS 2020-2021. LR 22/2018, art. 22

© RIPRODUZIONE RISERVATA
Tags