Amparu de s'Ambienti: “Goletta Verde” lompit in Sardigna

Legambiente in Terranoa
8 Argiolas 2021
terra

TerraSa batalla de Legambiente po fai a manera chi is àcuas e is costeras de Sardigna non tèngiat dannu si frimmat in Terranoa, in su “Molo Brin”. “Goletta Verde” ocannu at èssiri rica de unu programma de atividadis. Unu programma cumpriu meda, duncas, chi cun de s'agiudu de una centina de volunteris at èssiri impignau po finas a campionai s'àcua de su mari. S'iscopu est su de cumprendiri si s'àcua est impestada.

Is temas de sa campagna birdi de Legambiente, chi tenit comenti màssima “Non ci fermeremo mai”, funt unus cantu e funt totus de importu mannu: s'erosioni de is costeras, su guastu idrogeologicu, su “beach e marine litter”, is portus, s'eolicu off-shore, sa gherra contra a sa crisi de su clima e s'energia fossili, sa depuratzioni de s'acua de rusuzu, ma puru is àreas marinas amparadas, is bonificas de is territòrius impestaus, sa gherra a sa prastica chi s'agatat in su mari.

goletta verdeIs tzitàdinus ant a pòdiri contribbùiri a su traballu de s'assòtziu ambientalista atressu de su form “SOS Goletta”. Po ddu fai at a tocai a inditai a “Legambiente” is situatzionis suspetas de impestadura in mari, in is lagus e in is rius. Is sinnalatzionis ant a donai iscedas de importu mannu a s'assòtziu e a is tzentrus de atzioni giuridica cosa sua. Chistionaus de scedas chi permitint de valutai is denùntzias e ddas faint connòsciri a is autoridadis chi ndi tenit is cumpetèntzias.

Ocannu puru “Goletta Verde” tenit comenti partner printzipalis su CONOU, su “Consorzio Nazionale per la Gestione, Raccolta e Trattamento degli Olii Minerali Usati” e sa “Novamont”, un'azienda de importu mannu connota puru foras de Istadu, una realidadi chi traballat in su mundu de is biopràsticas. Intre is àterus partner agataus “Media partner” e sa “Nuova Ecologia”.

Is fainas aprontadas de Legambiente ant a incumentzai su 9 de su mesi de argiolas a mangianu , cun nd'un'atopu chi s'at a sboddiai a ingiuriu de su tema “PNRR”. A pustiprangiu, imbecis, at èssiri presentada sa mustra “Plastica o Conchiglie?” . Agoa ant a sighiri is labboratòrius asuba de sa pràstica in mari. Is labboratòrius s'ant torrai a fai sa diri infatu puru, diri chi at a biri “Goletta Verde” in Capo Ceraso.

Is fainas ant a acabai a is 21.00 cun sa mùsica de su triu “Estemporanea”.

Attività realizzata col contributo della Regione Sardegna - IMPRENTAS 2020-2021. LR 22/2018, art. 22

© RIPRODUZIONE RISERVATA
Tags