“Asuondiverde”: su progetu sustenìbili de su Festival Dromos

Unu progetu chi aunit sa passioni po sa musica cun s'impignu sotziali po sa sustenibilidadi
23 Argiolas 2021
terra

Terra - Su Festival Dromos ocannu lompit a sa de binti-tres editzionis. Custa manifestada culturali at a cumentzai su 25 de su mesi de argiolas chi benit in Sant'Eru cun sa mustra dedicada a su tema de is ogulùxidus, una mustra cuncodrada de Anna Rita Punzo e Ivo Serafino Fenu.

Cummenti giai in is annus passaus, custu festival ammostat s'impignu cosa su po difèndiri s'ambienti e aprontat unu programma chi ponit a campu unas cantu fainas chi ant a regalai a totus unu messàgiu sustenìbili. Funt is atividadis de importu chi rapresentant is fundamentas de su progetu “Asuondiverde”.

terraGiai su nòmini “Asuondiverde” narat cosas meda asuba de su progetu. Unu progetu chi aunit sa passioni po sa musica cun s'impignu sotziali po sa sustenibilidadi. Cali est, duncas, sa punna de “Asuondiverde”? Sa de amenguai is refudus produidus in dogna manifestada de su festival e po finas sa de educai is comunidadis a custu messàgiu sustenìbili. Ma cummenti fai totu custu aintru de unu festival? Po fai calincunu esèmpiu feti podeus nai ca totus is aparìcius chi ant a aghilliri is ispetàculus funt fatus cun materialis chi torrant a tenni vida a pustis de ai tentu àterus impitus. Funt, mancu a ddu nai, feti materialis sustenìbilis.

No est totu, poita “Asuondiverde” est meda prus de custu. Difatis cun s'editzioni de ocannu Dromos Festival at a donai vida a unu festival “plastic free” e po finas a su “Dromos a impatto zero”, est a nai ca is de Dromos ant a ponni setanta matas po donai su contribbutu insoru a sa batalla contra su gas serra.

Tra is initziativas de “Asuondiverde” s'agatat po finas su “Bio Dromos Bar”, chi nascit cun s'agiudu de sa Pasida de Stefano Marongiu, unu logu innoia est possìbbili papau e bufai produtus biològicus chi nascit de s'impignu po difèndiri s'ambienti.

Is comunus chi pigant parti a su Festival Dromos funt su de Sant'Eru, su de Aristanis, Ortueri, Bauladu, Crabras, Fordongianus, Donigàla, Bàini e Nureci.

Attività realizzata col contributo della Regione Sardegna - IMPRENTAS 2020-2021. LR 22/2018, art. 22

© RIPRODUZIONE RISERVATA
Tags