Ammaletzu nucleari: una polìtiga atesu meda de sa sustenibilidadi

Terra - Sa Sardigna torrat a èssiri ammaletzada de is refudus nuclearis. Is refudus nuclearis, est giustu a ddu sutalineai, funt atesu mesu de una polìtiga de sustenibilidadi e si movint contra a totu su chi s'ìsula at fatu e fait in matèria de amparu ambièntali . Is refudus nuclearis, difatis, impestant.

A faci de custu ammaletzu chi impestat e destruit s'ambienti su Comitadu Nonucle-Noscorie pedit a is sardus de abarrai prontus po una manifestada.

"Su Comitadu Nonucle-Noscorie at scìpiu atressu de s'imprenta e de su web - si ligit in su comunicau de imprenta mandau a is giornalis - ca sa Sogin (sotziedadi de s'Istadu italianu chi tenit sa responsabbilidadi de ndi ghetai a terra is impiantus nuclearis italianus e po finas cussa de poniri in seguresa is refudus readioativus produidus de is atividadis industrialis, cummenti puru is produtus de sa circa de sa mexina nucleari e de sa gestioni insoru) sighit in su camminu cosa sua circhendi giassus po is refudus nuclearis. Ddu fait chentza de pigai in cunsidèriu su “nono” chi is Sardus ant giai espressau: unu nono contra a s'individuatzioni de giassus po aghilliri Su Depositu Ùnicu de is refudus nuclearis in Sardigna".

Su Comitadu Nonucle-Noscorie at èssiri sa boxi de sa genti de Sardigna e sutalineat ca "is Sardus no ant a renuntziai mai a amparai sa volontadi espressada de su pòpulu sardu". Chistionaus de sa "voluntadi crara a no èssiri disponibbilis po acasàgia su nucleari". Cust'ausentzia de disponibbilidadi est istètia ammostada po finas cun manifestadas e atus ufìtzialis.

Su Referendum, is leis, s'agenda RAS, is delìbberas de is Comunus e de is Provìntzias, una Determinatzioni de sa "Conferenza Episcopale Sarda" e is Osservatzionis mandadas de sa Regioni Autònoma de Sardigna e de su Comitadu Nonucle-Noscorie ammostant a s'istadu itàlianu ca sa Sardigna non est disponìbbili a s'accollai cust'impestadura mala, un'arragu chi est contra a sustenibilidadi ambientali e a sa saludi de s'òmini.

Su Comitadu - pretzisat sa nota - po immoi at èssiri cunvocau feti on-line. De onni manera pigat in cunsidèriu puru sa possibbilidadi de lamai una manifestada de Bardania, e, si at èssiri netzessàriu, dd'at a fai "seghendi su respetu de is normas Covid".

Sa gherra sighit e sa primu batalla de su Comitadu at èssiri unu "Seminario per l'approfondimento degli aspetti tecnici relativi al Deposito nazionale e parco tecnologico per le scorie nucleari". S'atopu s'at sboddiai on-line su 7 de cabudanni chi benit.

Attività realizzata col contributo della Regione Sardegna - IMPRENTAS 2020-2021. LR 22/2018, art. 22