Su Montiferru contau in "L'ombra del fuoco"

Est unu dannu foras de contu su chi at fertu su Montiferru po mori de su fogu. Unu fogu chi si nd'est papau padentis, olivàrius, e magra mediterrànea. Unu fogu chi at bociu animalis e destruiu aziendas agrìculas.

De is oras de disisperu malu s'at a fueddai in su docufilm de Enrico Pau "L'ombra del fuoco". Su regista de Casteddu, impari a unu grupixeddu de professioneris giòvanus chi traballant in su mundu de su tzìnema, est difatis traballendi a unu documentàriu chi at a donai boxi a is màginis orròrosas de su fogu.

Su de Pau olit èssiri unu contu chi donat boxi a is chi ant biviu momentus lègius po mori de su fogu.

Su film ponit impari is testimonias de is protagonistas e tenit sa punna de donai a su benidori unu documentu importanti de s'acontessia. No est totu, poita custu traballu sutalineat puru sa fortza de una regioni, su Montiferru, chi s'est istantargiada depressi mancai su dannu sunfriu.

Fotografia de SPDP