Biàgius: cun Volotea pisitus e canis ant a podi biagiai in cabina

In Sardigna de su 1 de su mesi de idas in is bolus in continuidadi territoriali s'at a podi biagiai cun is animalis casandrinus
25 Onniasantu 2021
volotea

De su primu de su mesi de idas is bolus Volotea in continuidadi territoriali chi tucant e lompint in terra sarda ant a tenni servìtzius nous e passigeris ispetzialis. Chini pigat s'aèreu, difatis, at a podi pigai su bolu impari a is animalis casandrinus insoru.

Duncas, canis e pisitus de calisisiat mannària ant podi movi in biàgiu cun sa famìlia insoru. In prus de ai aumentau su pesu màssimu permìtiu fadendiddu lompi a 10 chilus po canis e pisitus chi biàgiant in cabina, Volotea at a permìtiri de imbarcai animalis in istea.

In su mantessi bolu ant a podi èssiri imbarcaus in cabina duus animalis in totu. Is animalis ant a depi biagiai aintru de unu trasportinu o de una bursa adata e ant a depi èssiri acumpangius de unu documentu de identidadi e de unu tzertificau sanitàriu. Is animalis cun nd'unu pesu prus mannu, imbecis, ant a depi biagiai in istea.

© RIPRODUZIONE RISERVATA
Tags