Lompit a sa de sèixi editzionis sa mustra de presepieddus e matixeddas de Paschixedda

Aprontada in Crabònia de su “Museo del Carbone - Grande Miniera di Serbariu” sa mustra de presepieddus e matixeddas de Paschixedda. Una manifestada culturali chi ocannu lompit a sa de sèixi editzionis.

Presepieddus e matixeddas funt cuncodraus cun decoraduras fatas a manu de is iscolas, de is assòtzius, is artesanus e is amantiosus. Una mustra creativa chi ndi fait bessiri a pillu sa fantasia de is artistas chi ant donau vida a òperas de linna, de pedra, de pràstica, de arranda e meda àteru.

Sa mustra serrat su 6 de su mesi de gennàrgiu chi benit. Po scedas si podit telefonai a su nùmeru 39 078 162727 o puru si podit iscriti un'e-mail a s'indiritzu: info@museodelcarbone.it