Aprovadu su càmbiu de su “Disciplinare” de produtzione pro su “Pecorino Romano Dop”

Feti late de ratzas traditzionales pro sa produtzione de su “Pecorino Romano”
18 Gennàrgiu 2022
in sa mesa

In sa Mesa - S'assemblea de sos sòtzios de su "Consorzio di tutela del Pecorino Romano" at votadu a unanimidade su càmbiu de su Disciplinare de produtzione de su "Pecorino Romano DOP". S'assemblea, chi est istada partetzipada dae su 90% de sos produtores, at aprovadu sas règulas noas de su "Disciplinare di produzione" chi, tra sos òbligos, previdit sa lista de sas ratzas ammìtidas a sa produtzione de su late impreadu pro fàghere su "Pecorino Romano DOP".

Ma cale est istada sa detzisione de sos sòtzios? Sos sòtzios ant deliberadu ca sos pastores chi cherent cunferire late pro fàghere su "Pecorino Romano DOP" devent ricunvertire sos allevamentos issoro intro de sete annos. S'allevamentu, duncas, devet èssere fatu feti cun sas ratzas de berbeghes indicadas in su “Disciplinare”.

A manera crara, sos allevadores chi a pustis de sete annos dae sa publicatzione de su “Disciplinare” non sunt in règula cun sos allevamentos issoro no ant a pòdere destinare su late pro sa produtzione su "Pecorino Romano DOP". Custu casu, difatis, devet èssere fatu feti cun su late mùrghidu dae sas berbeghes de sas ratzas indicadas in su “Disciplinare” de produtzione.

Ma cales sunt sas ratzas indicadas in su "Disciplinare"? S'assemblea de sos sòtzios de su "Consorzio di tutela del Pecorino Romano" at deliberadu ca sas ratzas de sas berbeghes ammìtidas in su “Disciplinare” de produtzione sunt: sa Ratza Sarda, incluida sa sub-popolatzione Niedda de Arbus; sa Razza Vissana; sa Ratza "Sopravissana"; sa Ratza "Comisana"; sa Ratza "Massese" e sa Ratza "Pecora dell'Amiata".

Sa detzisione de s'assemblea, chi po mori de s'incruèschida de su COVID-19 s'est isboligada in sa prataforma Zoom, at a dèvere èssere sutaposta a su giudìtziu de su Ministèriu, chi at a dèvere espressare su parre subra de su “Disciplinare” nou votadu dae sos sòtzios.

Attività realizzata col contributo della Regione Sardegna - IMPRENTAS 2021-2022. LR 22/2018, art. 22

© RIPRODUZIONE RISERVATA
Tags

In sa mesa

Attività realizzata col contributo della Regione Sardegna - IMPRENTAS 2021-2022. LR 22/2018, art. 22

Image
logo-ras65-1024x257.jpg