Cun "San Giuliano" sa Sardigna si faghet notare in su mundu de s'ògiu

In sa "Top World Producers" de s'"EVOO World Ranking 2021" San Giuliano est su de ses produtores in su mundu e su primu in Italia
12 Gennàrgiu 2022
IN SA MESA

In sa Mesa - Cun s'ògiu "San Giuliano" sa Sardigna si faghet notare pro sos produtus de primore de su territòriu suu. S'ògiu de S'Alighera, difatis, est lòmpidu finas a sa "Top World Producers dell'EVOO World Ranking 2021". Est unu traguardu de importu mannu pro s'ìsula e pro sos produtos de primore suos.

Dae semper premiadu pro èssere unu produtu primorosu, s'ògiu "San Giuliano" ocannu lu agatamus in sa de ses positziones tra sos marcos de sa "Top World Producers dell'EVOO World Ranking 2021". Su produtu de s'azienda aligheresa at isfioradu gosi su pòdiu de sa classìfica de sas 100 mègius realidades produtoras de ògiu in totu su mundu.

Dae su 2020 s'ògiu "San Giuliano" costoit sa "leadership" comente impresa italiana de primore. Cun sas etichetas suas, difatis, sa realidade sarda at dae semper otentu una positzione òtima in classìfica batende a domo prèmios meda.

Su reconnoschimentu de prestìgiu est su resurtadu de una caminera longa e dislindada, de una caminera chi at trabballadu pro otènnere una calidade superlativa de ògiu e chi at peri traballadu cun impignu pro annovare sos protzessos de produtzione suos.

in sa mesaSìmbulu de traditzione e innovatzione, s'ògiu "San Giuliano" est su resurtu de un'atentzione totale pro su produtu chi si cherret ofèrrere a su cliente. Un'atentzione chi incumentzat in su campu e chi arribbat a s'ampudda. S'amministradore delegadu Pasquale Manca at sutalineadu s'impignu de s'azienda "San Giuliano" acrarande ca: "punnare a sa calidade pro mèdiu de s'innovatzione est s'obietivu printzipale de s'azienda". In prus, custa est una realidade produtiva - sighit Manca - "chi cunsiderat sa sustenibilidade ambientale" comente importante pro su traballu suu. Duncas, in onni ampudda agatamus prus natura.

Ambasciadora importante de prodotos de calidade, petzi in su 2021 sa "San Giuliano" at otentu una setantina de prèmios e est istètia s'insertada in ghias ispetzialistas chi ant istima meda in su mundu de s'agroalimentare. Tra custas amus: s'"EVOOLEUM" de sa "Mercacei" e sa "Guida agli Oli d'Italia" de su "Gambero Rosso". Tra sas medàllias de oro ammentamus sa de "Japan Olive Oil Prize 2021"; sa de sa "Berlin International Olive Oil Competition 2021"; sa de sa "New York International Olive Oil Competition 2021"; sa medàllia de sa "London International Olive Oil Competition 2021" e sa de sa "Canada International Olive Oil Competition 2021".

In fines, in su "ranking" mundiale, s'azienda "San Giuliano" s'est afirmada cun sas etichetas: "Fruttato Cuor d'Oliv"; "Monocultivar Bosana"; "Primér"; "Originale" e "Bio".

Attività realizzata col contributo della Regione Sardegna - IMPRENTAS 2021-2022. LR 22/2018, art. 22

© RIPRODUZIONE RISERVATA
Tags

In sa mesa

Attività realizzata col contributo della Regione Sardegna - IMPRENTAS 2021-2022. LR 22/2018, art. 22

Image
logo-ras65-1024x257.jpg