"Pecorino Romano DOP": unu "contest" de retzetas

Sighit su disafiu "online" tra classes de sos Istitutos Alberghieros
28 Gennàrgiu 2022
in sa mesa

In sa mesa - Est unu "contest online" chi at comente protagonista su "Pecorino Romano DOP". Naschet comente disafiu "online" tra classes de sos Istitutos Alberghieros e est fìgiu de un'idea de su "Consorzio di tutela del Pecorino Romano DOP". Semus faeddande de su "contest" de retzetas chi at comente ingrediente printzipale su "Pecorino Romano DOP" e chi biet in gara sos giòvanos "chef" de su benidore.

Leant parte a su "contest" sos istudiantes de bator regiones: Sardigna, Latziu, Puglia e Campania.

S'obietivu de su "Consorzio di tutela del Pecorino Romano DOP" est su de fàghere connòschere a sos chef de su benidore unu produtu de primore, unu produtu protègiu dae unu marcu de tutela.

pecorino romanoSa partetzipatzione a su "contest online" de coghina previdit s'imbentu, s'acumprida e su contu de duas retzetas fatas cun su "Pecorino Romano DOP". Custas duas retzetas devent èssere unu pratu ùnicu e unu durche. Pro ogni regione su "Consorzio di tutela del Pecorino Romano DOP" at a premiare sa classe chi at a arrennèschere a valorizare mèngius custu casu.

Gosi, dae su 28 de su mese de martzu a su 4 de su mese de abrile, sas fotografias de sas retzetas fatas dae sas classes chi ant a leare parte a su "contest" ant a èssere pubblicadas in sos profilos "Facebook" e "Instagram" de su Cunsòrtziu. At a bìnchere sa classe chi at a pigare unu nùmeru prus artu de "like" in sas fotografias. A sos "like" si devet peri summare sa valutatzione mèngius otenta dae sa "presentatzione-contu" de su pratu acumpridu.

In Sardigna sunt oto sos Istitutos Alberghieros chi sunt iscritos a su "contest"; sas classes, imbetzes, sunt 17.

Famadu meda, su "Pecorino Romano DOP" est unu casu sena de latòsiu e lu podent mandigare finas sos allegòricos. Custu casu de primore, chi si podet impreare pro fàghere durches e retzetas salidas, gràtzias a su "contest" de su "Consorzio di tutela del Pecorino Romano DOP" at a èssere su protagonista de retzetas noas, giòvanas e creativas. Custu mancai siat unu produtu traditzionale.

Attività realizzata col contributo della Regione Sardegna - IMPRENTAS 2021-2022. LR 22/2018, art. 22

© RIPRODUZIONE RISERVATA
Tags

In sa Mesa

Attività realizzata col contributo della Regione Sardegna - IMPRENTAS 2021-2022. LR 22/2018, art. 22

Image
logo-ras65-1024x257.jpg