Sos IGT de Sardigna

S'"Indicazione Geografica Tipica" IGT est presente in s'eticheta de sos binos e devet marcare sa zona de produtzione
11 Gennàrgiu 2022
in sa mesa

In sa Mesa - A pustis de àere connòschidu su marcu de tzertificatzione DOC cherimus aprofundire su marcu IGT, acrònimu de "Indicazione Geografica Tipica".

Pro otènnere custu reconnoschimentu sos binos devent èssere produtos a su mancu cun s’85% de àghina chi benet dae s'àrea geogràfica indicada in s'eticheta.

Ite cheret nàrrere IGT? Cando custa sigla est presente in s'eticheta de sos binos devet marcare sa zona de produtzione issoro. In àteras paràulas, unu binu IGT est unu binu tìpicu de su logu e peri reconnòschidu dae s'Unione Europea.

igtS'"Indicazione Geografica Tipica" indicat binos produidos in àreas ampruras, comente regiones o galu comente una provìntzia. Custas ampuddas respetant rechisidos pretzisos e sunt sutapostas a unu disciplinare. Su disciplinare IGT est prus pagu restritivu de su disciplinare DOC e de su disciplinare DOCG. Cun sos binos IGT, difatis, gràtzias a una libertade de atzione majore si podet finas isperimentare s'acrobamentu de vàrias ratzas de àghina.

In s'eticheta de sos binos IGT s'agatat peri sa zona de produtzione e, feti a manera facoltativa, est indicada: sa bide in dae ue derivat su binu, s'annada de sa binnenna e su colore de s'àghina.

Sa sigla IGT, duncas, est garantzia de calidade e de controllu
. Difatis, in antis de si balangiare su reconnoschimentu de "Indicazione Geografica Tipica" su binu benet controlladu cun atentzione.

Sos binos chi ant su marcu IGT sunt anàlogos a sos binos frantzesos "Vin de Pays" e a sos binos tedescos "Landwein". Dae su 2010 su marcu IGT est incluidu in su marcu europeu prus genèricu IGP, est a nàrrere "Indicazione Geografica Protetta".

No est acabbada inoghe, pro ite posca de chimbe annos unu binu IGT podet divenire binu DOC e pro otènnere custu resurtu devet àere sos rechisidos dimandados dae su disciplinare.

Sa Sardigna at 15 binos chi ant otentu su marcu IGT. Sos binos "Indicazione Geografica Tipica" sunt: "Barbagia IGT"; "Colli del Limbara IGT"; "Isola dei Nuraghi IGT"; "Marmilla IGT"; "Nurra IGT"; "Ogliastra IGT"; "Parteolla IGT"; "Planargia IGT"; "Provincia di Nuoro IGT"; "Romangia IGT"; "Sibila IGT"; "Tharros IGT"; "Trexenta IGT"; "Valle del Tirso IGT"; "Valli di Porto Pino IGT".

Attività realizzata col contributo della Regione Sardegna - IMPRENTAS 2021-2022. LR 22/2018, art. 22

© RIPRODUZIONE RISERVATA
Tags

In sa mesa

Attività realizzata col contributo della Regione Sardegna - IMPRENTAS 2021-2022. LR 22/2018, art. 22

Image
logo-ras65-1024x257.jpg