Torrat “Ristoamare” e lompet a sa de XXII editziones

In su mese de martzu s'adòbiu dedicadu a sos operadores de su “food & beverage”
31 Gennàrgiu 2022
in sa mesa

In sa Mesa - Torrat "Ristoamare", s'adòbiu aprontadu dae "La Rosa dei Venti", s'agentzia de consulèntzia e bèndida de su "food and beverage" sardu.

Sa de XXII editziones de s'adòbiu dedicadu a sos operadores de "food and beverage" est prevìdia pro su 27 e su 28 de su mese de martzu.

At a èssere su T-Hotel de Casteddu a acasagiare "Ristoamare".
Su T-Hotel, difatis, at a aprontare sas 50 "istatziones" in ue sas aziendas sardas, internatzionales e natzionales, ant a parare sas propostas issoro. In prus de sas "istatziones" dedicadas a su "food and beverage", s'editzione 2022 de "Ristoamare" at a aprontare finas un'aposentu dedicadu a sos servìtzios pro s'ospedàgiu.

Sas initziativas in programma sunt medas e de importu: si andat dae su "show cooking" a sos seminàrios pro chie faghet ospedàgiu in Sardigna. Oe, duncas, "Ristoamare" 2022 si presentat comente un'adòbiu chi non s'at a pòdere perdere.

in sa mesa
Non est totu. Ant a leare parte a custa manifestada peri sos assòtzios de categoria, chi ant a èssere protagonistas de sas dibatas, e sos assòtzios professionales, chi ant a dare assistèntzia e ant a presentare sas ofertas formativas a sos istitutos Alberghieros. Custos, ant a isboligare sas atividades de alternàntzia iscola-traballu cun sos istudiantes issoro e paris cun sas aziendas.

Comente si podet cumprèndere "Ristoamare" est un'adòbiu ùnicu in Sardigna, pro ite no est pensadu pro su consumadore, ma est pensadu pro chie traballat cun su "food and beverage".

"Ristoamare" at a cumentzare domìniga 27 de su mese de martzu a sas 10.00. Sa primu die de cust'adòbiu previdit tastos, dimustratziones "live" e promotziones.

Sa manifestada at a sighire lunis 28 de su mese de martzu dae sas 9.30 a sas 17.00 cun atastos, dimustratziones "live" e promotziones.


Pro sos operadores s'intrada at a èssere a indonu.

Attività realizzata col contributo della Regione Sardegna - IMPRENTAS 2021-2022. LR 22/2018, art. 22

© RIPRODUZIONE RISERVATA
Tags

In sa mesa

Attività realizzata col contributo della Regione Sardegna - IMPRENTAS 2021-2022. LR 22/2018, art. 22

Image
logo-ras65-1024x257.jpg