Bibenda: reconnoschimentu a s'“Accademia Olearia”

Àtera resèssida pro s'azienda de s'Alighera: sa “Fondazione Italiana Sommelier” donat “Cinque Gocce” a duos ògios de primore
25 Fiàrgiu 2022
in sa mesa

In sa Mesa - Àtera resèssida pro s'azienda de s'Alighera "Accademia Olearia". Bibenda ("Fondazione Italiana Sommelier"), difatis, at donadu "Cinque Gocce" a duos ògios de primore. A èssere premiados dae sa ghia "Bibenda 2022" sunt istados: s'ògiu ermanu "Gran Riserva Giuseppe Fois" e s'ògiu ermanu "Biologico".

Una resèssida, sa de "Accademia Olearia", chi est una cunfirma importante. Est dae chimbe annos, difatis, ca s'azienda aligheresa de sa famìlia Fois non faddit unu corfu. Cun sas "Cinque Gocce" de "Bibenda 2022" custa realidade produtiva de Sardigna arrichit sa colletzione de sos prèmios otentos cun unu reconnoschimentu importante meda, est a nàrrere su reconnoschimentu màssimu donadu dae sos sommelier de s'ògiu.

in sa mesaSu cuncursu "Bibenda" est unu cuncursu reconnòschidu siat a livellu italianu siat a livellu internatzionale. Semus faeddande de una gara importante, una gara chi afiotat sas aziendas italianas chi faghent ògiu ermanu de calidade, est a nàrrere sas aziendas chi rapresentant sas mègius realidades produtivas italianas in matèria de ògiu ermanu. Custas realidades, a pustis de èssere istadas valutadas, ant a èssere premiadas pro s'ògiu issoro. Ogni ògiu podet leare de duas a chimbe gùtias.

Sos tastos benint esecutados dae una giuria de sommelier de s'ògiu sighende mètodos de tastos pretzisos.

Immoe, a pustis de àere otentu sas "Cinque Gocce", sos ògios ermanos de s'azienda "Accademia Olearia" ant a èssere insertados in sa setzione "Olio" de sa "Guida Bibenda 2022". Dae su mese de martzu 2022, sa ghia si podet lèghere finas in formadu digitale.

Ma ite si podet nàrrere supra sos duos produtos premiados? S'ògiu ermanu "Gran Riserva Giuseppe Fois" est unu produtu echilibradu, otentu in cantidades limitadas pro mèdiu de una seletzione de "cultivar" autòctonas; s'ògiu ermanu "Biologico", imbetzes, est unu produtu de primore nàschidu respetende s'ambiente. Su "Biologico" est un'ògiu nuscosu chi at unu sabore marcadu e chi est otentu dae sa "cultivar bosana".

Attività realizzata col contributo della Regione Sardegna - IMPRENTAS 2021-2022. LR 22/2018, art. 22

© RIPRODUZIONE RISERVATA
Tags

In sa mesa

Attività realizzata col contributo della Regione Sardegna - IMPRENTAS 2021-2022. LR 22/2018, art. 22

Image
logo-ras65-1024x257.jpg