Cascà 2022, su Fèstival Internatzionale de su Cus Cus de Carluforti

Dae su 30 de su mese de cabudanni a su 2 de su mese de santugaine torrat sa festa enogastronomica carlufortina
16 Fiàrgiu 2022
in sa mesa

In sa Mesa - Torrat Cascà, su Fèstival Internatzionale de su Cus Cus de Carluforti, chi ocannu lompet a sa de duas editziones. S'adòbiu enogastronomicu est organizadu dae s'"Associazione CIAO", chi at tra sos sòtzios suos cummertziantes, imprendidores, artesanos e operadores; dae su "Consorzio Arcobaleno" e dae sa Comuna de Caruforti. Cun sa partetzipatzione de sa Regione Autònoma de Sardigna e de "Sardegna endless island", su chi in die de oe est unu fèstival de importu in sos annos colados fiat feti una sagra, sa sagra de su Cus Cus, su màndigu prus importante de sa traditzione de sa bidda.

Sas chi s'ant a isboligare ant a èssere tres dies de adòbios capassos de valorizare sa prendas enogastronomicas de Carluforti, incumentzende pròpiu de su pratu prus famadu de s'enogastronomia sua. Tocat a pretzisare ca su Cascà rapresentat una variante de su "cuscus", su màndigu tìpicu de totu s'Àfrica mediterrànea.

Su Fèstival Internatzionale de su Cus Cus previdit sa lòmpida in s'ìsula 'e Santu Pedru de unos cantos coghineris chi ant aarribare dae logos in ue si màndigat su Cous Cous. Paris cun sos coghineris de Sardigna, duncas, s'ant a agatare coghineris de Sicilia, de Magreb, de Marocu e finas de Tunisia.

In sas dies de su Fèstival Internatzionale de su Cus Cus de Carluforti, in prus de sos adòbios de enogastronomia s'ant a “pintare” adòbios culturales e peri espositziones de ainas e de produtos ligados a su Cus Cus.

Su Cascà, comente lu ant batijadu sos abitante de s'ìsula 'e Santu Pedru, est una retzeta sèmplitze ma rica de istòria e de cultura, unu mandigu chi contat a s'istràngiu s'àndala de unu pòpulu. Su Cascà est su pratu tìpicu de sas dies importantes, una retzeta de festa, duncas, pro unu màndigu de fàghere tastare a sos chi lompent dae foras, unu sìmbulu de acasàgiu, chi cun su Fèstival Internatzionale de su Cus Cus si faghet bandera de unu pòpulu.

Attività realizzata col contributo della Regione Sardegna - IMPRENTAS 2021-2022. LR 22/2018, art. 22

© RIPRODUZIONE RISERVATA
Tags

In sa mesa

Attività realizzata col contributo della Regione Sardegna - IMPRENTAS 2021-2022. LR 22/2018, art. 22

Image
logo-ras65-1024x257.jpg