Risu Passiu tra sas 100 aziendas italianas sinnaladas dae "Forbes" 2022

S'azienda de risu produidu in Sardigna in sa rivista americana de economia
17 Fiàrgiu 2022
in sa mesa

In sa Mesa - Su risu Passiu de Aristanis intrat comente primu risu produidu in Sardigna in sa rivista americana de economia "Forbes" 2022. In sa classìfica de sa rivista, difatis, su risu de s'azienda Passiu est sinnaladu tra sas 100 etichetas italianas de primore.

In prus de sos artìculos de cultura economica, leadership imprenditoriale, innovatzione e "lifestyle", onni duas chidas s'editzione italiana de "Forbes" pùblicat finas sa classìfica de sas impresas chi ant àpidu una resèssida manna.

Cun "Forbes" 2022, duncas, s'azienda aristanesa at àpidu unu reconnoschimentu importante meda. Su reconnoschimentu de "Forbes", difatis, cheret premiare sas realidades chi ant valorizadu sos produtos de su territòriu issoro moende de un'atuamentu chi est istadu coltivadu cun esperièntzia e capatzidade manna.

in sa mesaTocat a pretzisare ca sas 100 aziendas isseberadas dae "Forbes" 2022 sunt intradas in sa classìfica de su "magazine" cun s'agiudu professionale de "So Wine So Food".

In su nùmeru de su mese de freàrgiu 2022, "Forbes Italia" at publicadu sa lista de sas 100 realidades produtivas italianas de primore de su "food & wine". Est inoghe chi agatamus su risu Passiu. In sa rivista, difatis, si faeddat de aziendas chi sunt sa fotografia perfeta de su "made in Italy" siat pro canto pertocat a sos màndigos, siat pro su binu, siat pro s'acasàgiu e sa connoschèntzia produtiva.

Ma s'azienda de Aristanis comente at cummentadu custa resèssida? Pro sos de Passiu intrare in sa classìfica de "Forbes" 2022 est istada una "satisfatzione manna", sutalineat Felice Passiu, est a nàrrere su Responsàbile Cummertziale / "Marketing" de s'azienda. Pro su risu Passiu custa "est una pubblitzidade importante a livellu natzionale e internatzionale". Gosi Felice Passiu cumpartzit custu reconnoschimentu cun totu s'iscuadra sua e faeddende de sa classìfica “Forbes” 2022 concluit ca "est unu bàntidu pro sa terra nostra e at a èssere de aura bona pro sos progetos de su benidore".

Attività realizzata col contributo della Regione Sardegna - IMPRENTAS 2021-2022. LR 22/2018, art. 22

© RIPRODUZIONE RISERVATA
Tags

In sa mesa

Attività realizzata col contributo della Regione Sardegna - IMPRENTAS 2021-2022. LR 22/2018, art. 22

Image
logo-ras65-1024x257.jpg