“Vino & cultura”: in Casteddu adòbios tra arte enologia sarda

Workshop, tastos e bìsitas ghiadas
7 Fiàrgiu 2022
in sa mesa

In sa MesaAt a comintzare domìniga 13 de su mese de freàrgiu "Vino & cultura", s'adòbiu casteddaju chi, tra arte e enologia, s'at a isbòligare tra sa "Torre dell'Elefante" e sa "Passeggiata Coperta del Bastione". Su progetu est ghiadu dae "Orientare", s'assòtziu culturale de Casteddu chi at otentu s'incàrrigu dae s'Assessoradu de Cultura e Ispetàculu de sa Comuna de Casteddu.

Cun "Vino & cultura" sighint sas fainas chi interessant a sos logos de sa cultura de sa primu tzitade de sa Sardigna. Unu programma ricu e interessante chi at a èssere fatu cun tres ingredientes de primore: unu workshop, sos tastos e sas bìsitas ghiadas.

Sa primu die de "Vino & cultura", est nàrrere sa domìniga 13 de freàrgiu, at a èssere dedicada a s'aprofundimentu asuba de sa cultura enologica sarda. In prus, pròpiu domìniga 13 arte e binu s'ant a adobiare pro ammustrare sa bellesa antiga de sa tzitade bianca.

Su caminu tra arte e enologia at a incumentzare a sas 10.30 dae sa "Torre dell'Elefante" pro sighire in sa " Galleria dello Sperone". Su tour s'at a serrare in sa "Passeggiata Coperta del Bastione di Saint Remy" cun su tastu de bator binos de sa "Cantine Paùli's". Sas bator etichetas rapresentant bator ampullas ispetziales chi faeddant de Casteddu: "Scorci di Cagliari"; Su Poettu; Molentà; Bastiò; Bon'aria.

A borta de die, imbetzes, s'at a isboligare, paris cun Valeria Pecora, su workshop "150 anni della nascita di Grazia Deledda. Premio Nobel per la letteratura ed esempio di modernità".

A s'adòbiu de domìniga 13 de su mese de freàrgiu ant a sighire sos adòbios de Sàbadu 19, de domìniga 20 e de domìniga 27 de su mese de freàrgiu.
In sos adòbios imbenientes de "Vino & cultura" s'ant a isboligare: su Workshop de fotografia cun Giorgio Marturana (19 freàrgiu a sas 10.30); una passigiada fotogràfica-bìsita ghiada chi at s'iscopu de publicare sas fotografias in su social network "Instagram" (20 freàrgiu a sas 11.00); su tour cun tastos de binos de sa "Cantine Paùli's" de Pauli (27 de freàrgiu a sas 10.30).

Attività realizzata col contributo della Regione Sardegna - IMPRENTAS 2021-2022. LR 22/2018, art. 22

© RIPRODUZIONE RISERVATA
Tags

In sa mesa

Attività realizzata col contributo della Regione Sardegna - IMPRENTAS 2021-2022. LR 22/2018, art. 22

Image
logo-ras65-1024x257.jpg