"Bosa Beer Fest 2022": sa torrada

Dae su 22 a su 25 de su mese de abrile sa comuna in provìntzia de Aristanis afestat sa birra màstrina
4 Martzu 2022
in sa mesa

In sa Mesa - A pustis de tres annos torrat su "Bosa Beer Fest 2022". Sa festa de sa birra de Bosa s'at a isboligare in beranu, dae su 22 a su 25 de su mese de abrile. Ocannu at a lompere a sa de chimbe editziones.

Sos "stands" de su festival ant a èssere abertos chenàbura 22 a sas 12.00 e ant a tancare a sas 22.30. In sas àteras dies ant a sighire sos matessi oràrios.

S'adòbiu bosincu de sa birra at a èssere dirigidu e aprontadu dae s''Associazione Culturale Sardinia4All". Gosi sa comunidade in provìntzia de Aristanis est pronta pro aghillire sas chimbe dies de festa, chi ant comente protagonista sa birra màstrina de Sardigna, ma finas sa birra màstrina de continente.

Sos amantiosos de sa birra sunt isetende cun ànsia s'editzione 2022 de "Bosa Beer Fest", unu tra sos festival prus importantes de mundu brassicolu.

in sa mesaIn die de oe su programma est galu "in fieri", ma sas premissas sunt bonas meda. Pro lu cumprendere est bastante pensare ca in s'ùrtima editzione de "Bosa Beer Fest", est a nàrrere sa de su 2019, tra realidades brassicolas sardas e foranas sos protagonistas sunt istados 25 birrifìtzios e 170 etichetas, totus de tastare!

Su "Bosa Beer Fest", però, no est feti birra: est peri ispetàculos de mùsica "live", momentos de isport e adòbios "gourmet". Sempermai ogni adòbiu s'at a dèpere gosare in cumpangia de una tassa de birra.

A tempos de oe sunt galu abertas sas seletziones pro su "street food". Ma ite bisòngiat a fàghere pro leare parte a s'editzione 2022 de su festival comente protagonista de su setore de sos màndigos? Pro leare parte a sa festa de sa birra comente professionista de su "store" màndigos tocat a imbiare feti un'e-mail de proposta a s'indiritzu de posta eletrònica: bosabeerfest@gmail.com . S'e-mail depet descrìere s'idea cosida in pitzu de su "Bosa Beer Fest". Ant a èssere isseberadas feti sas propostas cunsideradas interessantes, est a nàrrere sas chi sunt perfetas pro su festival.

Attività realizzata col contributo della Regione Sardegna - IMPRENTAS 2021-2022. LR 22/2018, art. 22

© RIPRODUZIONE RISERVATA
Tags

In sa mesa

Attività realizzata col contributo della Regione Sardegna - IMPRENTAS 2021-2022. LR 22/2018, art. 22

Image
logo-ras65-1024x257.jpg