"Mandigos": un'àndala pro connòschere sos alimentos sardos

Sos istudiantes de Sardigna e sos màndigos de sa traditzione
29 Martzu 2022
in sa mesa

In sa Mesa - Cun "Mandigos" s'incaminat un'àndala pro connòschere sos alimentos sardos. Ma chie devet travigare s'àndala? S'àndala at a èssere travigada dae sos istudiantes de Sardigna, chi cun "Mandigos" ant a imparare a connòschere sos alimentos de sa traditzione.

A pustis de sa firmada cajonada dae su Covid-19 e torrat duncas sa campagna de educatzione alimentare "#Mandigos - La Sardegna in tavola". Sa campagna est indiritzada a sos istudiantes e a sos professores de sas iscolas de Sardigna e finas a sos babbos, a sas mamas e a sos operadores de sas mensas iscolàsticas.

"Mandigos - La Sardegna in tavola" est una campagna finantziada dae sa Regione Autònoma de Sardigna. Cun pretzisione, custa campagna est finatziada dae s'Assessoradu de s'Agricultura e Reforma agropastorale e est posta in òpera dae S'"Agenzia Laore Sardegna" in collaboratzione cun s'"Ufficio Scolastico Regionale", cun sos Cunsòrtzios regionales de tutela DOP e IGP e cun sos assòtzios de categoria.

Sa punna de "Mandigos - La Sardegna in tavola" est sa de imparare a sos istudiantes a connòschere e gustare sos alimentos de Sardigna.

A leare parte a sa campagna promòvida dae s'Assessoradu de s'Agricultura e Reforma agropastorale sunt milli istudiantes de sas iscolas medias e de sas iscolas superiores, chi dae su mese de nadale coladu ant incumentzadu sos laboratòrios de "Mandigos" e ant àpidu sa possibilidade de tastare e connòschere sos alimentos de sa traditzione.

Segundu su programma aprontadu, sos addòbios prevìdidos pro "Mandigos - La Sardegna in tavola" s'ant a concruire in su mese de martzu.

De ogni manera, "Mandigos - La Sardegna in tavola" non s'at a firmare e at a torrare a cumentzare s'atividade sua cun sos istudiantes de 35 iscolas primarias de Sardigna.

Su programma previdit duas oras de laboratòriu ghiadas dae un'espertu chi at a descrìere a sos istudiantes sos produtos de calidade, est a nàrrere sos produtos chi ant su marcu DOP, DOC, IGP, PAT e "Biologico della Sardegna". Su laboratòriu s'at a concruire cun su tastu de sos produtos ammaniados pro sas letziones.

Attività realizzata col contributo della Regione Sardegna - IMPRENTAS 2021-2022. LR 22/2018, art. 22

© RIPRODUZIONE RISERVATA
Tags

In sa Mesa

Attività realizzata col contributo della Regione Sardegna - IMPRENTAS 2021-2022. LR 22/2018, art. 22

Image
logo-ras65-1024x257.jpg