Sas mèngius pitzerias de Sardigna in su 2022

Cale sunt sas pitzerias premiadas cun sos "Tre Spicchi" de "Gambero Rosso"
2 Martzu 2022
in sa mesa

In sa Mesa Cale sunt sas mèngius pitzerias de Sardigna? Pro su 2021/2022 su "Gambero Rosso" at promòviu cun sos "Tre Spicchi":  sa pitzeria "Framento" de Casteddu, chi at otentu 92 puntos; sa pitzeria "Re | Mi"  de Tàtari cun 91 puntos e sa "Pizzeria Bosco" de Tèmpiu cun 90 puntos.

In Sardigna, duncas, custas tres realidades s'agatant in chima a sa classìfica de sa de noe editziones de sa ghia "Pizzerie d'Italia del Gambero Rosso 2022", chi si giughet a s'iscoberta de sas mègius pitzerias de Itàlia pro su 2021/2022. Si "Framento", "Re | Mi" e "Pizzeria Bosco" ant otentu sos "Tre Spicchi", custas pitzerias sunt sighidas dae sas pitzerias cun "2 Spicchi" e dae una realidade premiada cun "Uno Spicchio" .

Leghende a manera atenta sa ghia 2022, bidimus ca sunt medas sas pitzerias chi ant otentu una cunfirma pro su traballu issoro. In mesu a sas pitzerias cunfirmadas agatamus peri duas "new entry" chi sunt de interessu mannu. Ambas dimustrant ca in Sardigna su setore de sa pitza est creschende bene.

in sa mesaMa faghimus unu passu in dae segus pro sutalineare ca "Framento", "Re | Mi" e "Pizzeria Bosco" sunt tres nùmenes cunfirmados dae sa ghia "Gambero Rosso", pro ite finas a s'annu coladu ant leadu sos "Tre Spicchi".

Mi chie at otentu sos "2 Spicchi"? Sunt sa pitzeria "Sa Scolla" de Casteddu; "Pbread di Stefano Pibi" de Casteddu;  sa pitzeria "Levante" de Casteddu; sa "Grains" de Casteddu. Tra sas "new entry" casteddajas agatamus: "Impasto" e "Majori".  Semper cun "2 Spicchi" bi sunt sa pitzeria "Rubiu Brew Pub" de Santu Antiogu; "Pomata Bistrot" de Carluforti; "Poppy's" de  Crabònia; "Ada" de Santu Sparau (in provìntzia de Casteddu); "S'Arzola" de Oroteddi (in provìntzia de Nùgoro).  

In Sardigna, tra sas pitzerias chi ant otentu "Uno Spicchio" dae sa ghia "Pizzerie d'Italia del Gambero Rosso 2022" amus feti sa pitzeria "Prentza" de Sèneghe, bidda in provìntzia de Aristanis.

Attività realizzata col contributo della Regione Sardegna - IMPRENTAS 2021-2022. LR 22/2018, art. 22

© RIPRODUZIONE RISERVATA
Tags

In sa mesa

Attività realizzata col contributo della Regione Sardegna - IMPRENTAS 2021-2022. LR 22/2018, art. 22

Image
logo-ras65-1024x257.jpg