S'iscartzofa sarda protagonista in Lugano

Mesa isvìtzera de "Sardegna in rassegna": su produtu sìmbulu de Sardigna
15 Martzu 2022
in sa mesa

In sa Mesa - S'iscartzofa sarda ("Carciofo Spinoso di Sardegna DOP") at a èssere protagonista de sa de noe editziones de su Fèstival de Lugano "Sardegna in rassegna".

Sa rassegna, s'at a isboligare dae su 19 de su mese de martzu finas a su 3 de su mese abrile 2022. "Sardegna in rassegna" oferit a sos Isvìtzeros sa possibilidade de tastare e de apressare unu tra sos produtos sìmbulu de Sardigna: s'iscartzofa.

in sa mesaMa s'iscartzofa sarda comente at a conchistare sos Isvìtzeros? Sèmplitze, s'iscartzofa, paris cun s'ògiu ermanu de Sardigna ("Olio extra vergine d'oliva Sardegna Dop"), at a èssere sa protagonista de unos cantos pratos coghinados dae su ristorante de Salvatore Nieddu "L'Argentino". Pròpiu "L'Argentino" at a aprontare sa rassegna cun sa collaboratzione de su "Consorzio di Tutela del Carciofo spinoso di Sardegna DOP" ghiadu dae Carlo Cherchi e dae su "Consorzio per la tutela dell'Olio Extravergine d'Oliva DOP Sardegna". Pro Cherchi "Sardegna in rassegna" est un'ocasione pro fàghere connòschere s'iscartzofa sarda paris cun àteras licànzias de Sardigna comente s'ògiu ermanu.

Sa manifestatzione est ghiada dae sa chef Angela Murgia de su "Consorzio del carciofo spinoso di Sardegna DOP" e dae su chef Simone Barraco de su ristorante "L'Argentino".

Ma cale est su “menu” chi sos duos chef ant a propònnere a sos Isvìtzeros? Su “menu” - acrarat sa chef Murgia - "incluit antipastos de onni tipu, dae s'iscartzofa crua a s'iscartzofa "in pairing" cun pische, comente su mugheddu afumiadu de Crabas de sa "cooperativa Mare Pontis", o comente sa gioga marina o su purpu. Galu, s'iscartzofa s'at a pòdere tastare finas cun s'angione e cun su casu berbeghinu de sa cooperativa de Nujvi". Sempermai sos antipastos no ant a èssere feti de pische o de petza, ma finas veganos. Duncas, s'iscartzofa s'at a pòdere gustare in insalada, frissa, in crema e comente matza de su culurgione frissu".

Attività realizzata col contributo della Regione Sardegna - IMPRENTAS 2021-2022. LR 22/2018, art. 22

© RIPRODUZIONE RISERVATA
Tags

In sa mesa

Attività realizzata col contributo della Regione Sardegna - IMPRENTAS 2021-2022. LR 22/2018, art. 22

Image
logo-ras65-1024x257.jpg