S'istòria de su "Pecorino romano" contada pro mèdiu de sas aziendas

Giassu internet e pàginas “social” pro contare s'istòria de su casu
28 Martzu 2022
in sa mesa

In sa Mesa - S'istòria de su "Pecorino Romano" si contat pro mèdiu de sas aziendas. Comente? Est sèmplitze: s'istòria de custu casu l'ant a contare sos giassos internet e sas pàginas “social” de sas aziendas.

Unu contu interessante meda, chi benefìtziat de una contàntzia diferente. Sa punna de sas aziendas est sa de presentare chie sunt e peri su traballu chi faghent. Custos contos naschent dae s'issèberu de faeddare de s'istòria de sas aziendas. Sunt istòrias de famìlias chi sunt passadas dae generatzione a generatzione.

Custos sunt contos de amore e de traballu. Istòrias de pastores chi ant dedicadu totu sa vida issoro a non fàghere mòrrere una traditzione chi s'est annoada sena de traìghere sas raighinas suas e respetende semper sa memòria sua.

in s amesaSu progetu naschet dae sa conca de su "Consorzio per la Tutela del Formaggio Pecorino Romano", chi a baranta annos e prus dae sa nàschida sua at detzìdidu de ammustrare sa realidade sua e de si contare pro mèdiu de sos casifìtzios de Sardigna, de Làtziu e sos casifìtzios de sa provìntzia de Grosseto, est a nàrrere sas tres zonas de produtzione de su "Pecorino Romano".

Sa Sardigna, su Làtziu e sa provìntzia de Grosseto sunt sas zonas chi ant fatu s'istòria de custu casu, cada una cun sas caraterìsticas suas.

Sas chi s'ant a contare ant a èssere sas istòrias chi ant contribuidu a presentare su "Pecorino Romano" comente ambasciadore de primore de sas DOP in totu su mundu.

Su contu incumentzat cun s'istòria de Luigi Bozzano, chi in s'istòria sua acrarat sa resone chi at fatu agatare domo in Sardigna a su "Pecorino Romano". Ant a sighire àteras istòrias de traditzione e innovatzione. Istòrias interessantes de unu traballu fatu cun amore. Istòrias chi faghent faeddare sos produtos e chi si contant ognuna de sas aziendas de su "Consorzio per la Tutela del Formaggio Pecorino Romano".

Attività realizzata col contributo della Regione Sardegna - IMPRENTAS 2021-2022. LR 22/2018, art. 22

© RIPRODUZIONE RISERVATA
Tags

In sa mesa

Attività realizzata col contributo della Regione Sardegna - IMPRENTAS 2021-2022. LR 22/2018, art. 22

Image
logo-ras65-1024x257.jpg