Sos prudotos de primore de Samugheo e su marcu De.C.O.

Petza de boe e pane sunt mandigos a “Denominazione Comunale di Origine”
1 Martzu 2022
in sa mesa

In sa Mesa - Cun su marcu De.C.O. (Denominazione Comunale di Origine) sas Comunas valorizant sos produtos agroalimetares o sos produtos de s'artisanadu chi sunt fatos in su territòriu comunale. Sa Denominazione comunale”, duncas, est su pabiru de identidade de unu produtu, un'atestatzione chi ligat a manera anagrafica unu produtu o una produtzione cun su logu istòricu de orìgine.

Ma cale est sa primu Comuna de Sardigna a àere crèdidu in su marcu De.C.O.? Sa prima comuna sarda est istada Samugheo. Sa bidda chi s'agatat in sa Barbagia 'e Mandrolisai, difatis, at su marcu De.C.O. dae s'annu 2013. E pròpiu in su 2013 in sa bidda in provìntzia de Aristanis est nàschidu su marcu de tutela pro sa petza de boe e pro su pane.

Unu reconnoschimentu importante chi pertocat a duos produtos de primore, duos produtos famados meda foras de sas làcanas de sa bidda.

Su pane de Samugheo, difatis, est nòdidu in totu sa Sardigna pro èssere unu pane licanzu, fatu cun màdrighe e sìmula e cotu in su forru a linna. Sa petza, imbetzes, la bendent in sas carnitzerias. Custas la comporant deretu dae sos allevadores de sa bidda, chi pesant sos bitellos lìberos in su sartu. A pustis sas bèstias sunt bangadas in su ochidòrgiu comunale.

Cussu fatu dae sa bidda de Samugheo, duncas, rapresentat unu passu de importu pro valorizare sa petza de boe e su pane traditzionale. Si podimus preguntare pro ite, in die de oe, podet èssere importante a àere su marcu De.C.O. In Sardigna. Sa resposta est meda sèmplitze: pro ite cun su marcu de “Denominazione Comunale di Origine” sas Comunas podent garantire a sos consumadores produtos fatos cun mètodos chi si podent tzertificare. Ma non est totu: in prus de agiudare sos consumadores su marcu de tutela agiudat peri sos produtores. Gosi Samugheo sustenet s'economia traditzionale de totu sa comunidade sua.

Attività realizzata col contributo della Regione Sardegna - IMPRENTAS 2021-2022. LR 22/2018, art. 22

© RIPRODUZIONE RISERVATA
Tags

In sa mesa

Attività realizzata col contributo della Regione Sardegna - IMPRENTAS 2021-2022. LR 22/2018, art. 22

Image
logo-ras65-1024x257.jpg