Su 21 e su 22 de martzu su cursu po operadoris de is museus

Sa punna est sa de fai connòsciri is tènnicas po comunicai mellus in is tzentrus iscientìficus
18 Martzu 2022
museus

Su 21 e su 22 de su mesi de martzu s'ant a tenni is duas diris dedicadas a is operadoris de is museus sardus. Seus fueddendi de unu cursu chi at a biri sa partetzipatzioni de 40 professioneris chi traballant in su Museu Archeològicu de Casteddu, in su de Tàtari, in su Museu de Portu Turre, ma po finas in Antas e in su tentru de circa iscientìfica de Porto Conte.

Sa punna de custu cursu est sa de fai connòsciri mellus a is operadoris is tènnicas po comunicai in is tzentrus iscientìficus ammanniendi aici su nùmeru de is personis interessadas.

Su cursu est aprontau de su 10LAB de “Sardegna Ricerche” impari a sa Fondazione Mont'e Prama e a su Museu cosa sua. Ant a chistionai is nòminis prus famaus in su campu de sa museologia iscientìfica.

© RIPRODUZIONE RISERVATA