Torrat in Turri su "Festival strade dello Zafferano di Sardegna DOP"

Domìniga 3 de su mese de abrile Turri at a mustrare sos produtos gastonòmicos suos a sos turistas
23 Martzu 2022
in sa mesa

In sa Mesa - A pustis de àere dèpidu firmare s'addòbiu de su mese de santandria pro more de sa epidèmia de su coronavirus, in beranu at a torrare sa manifestada gastronòmica dedicada a su tonforanu. Semus faeddande de su "Festival strade dello Zafferano di Sardegna DOP" chi domìniga 3 de su mese de abrile at a addobiare turistas e curiosos chi cherent colare una die a manera diversa.

Su "Festival strade dello Zafferano di Sardegna DOP" est organizadu dae sa retza de sas comunas de Turri, de Santu Èngiu e de Biddanoa Franca, est a nàrrere dae sas mègius realidades agrìculas chi produint tonforanu in s'ìsula nostra.

Sa manifestada gastronòmica at a àere s'amparu de sa "Fondazione di Sardegna" e de s'Assessoradu de s'istrutzione pùblica, benes culturales, informatzione, ispetàculu e isport de sa Regione Autònoma de Sardigna e at a èssere ghiada dae s' "Associazione degli Enti Locali".

zafferanoPro su produtu DOP de sos sartos de su Campidanu de Mesu su de su 3 de abrile in Turri at a rapresentare unu momentu importante meda. Su Sìndigu de Turri Martino Picchedda, difatis, l'at sutalineadu e at pretzisadu finas ca torrare a organizare un'adòbiu importante comente su "Festival strade dello Zafferano di Sardegna DOP" a pustis de duos annos no est istada una cosa sèmplitze.

Gosi podimus nàrrere ca custa at a èssere una manifestada importante pro ite Turri at a abèrrere sas ghennas suas a sos istràngios e at a mustrare sa prenda prus bona de sa bidda: su "Zafferano DOP". Paris cun su tonforanu ant a èssere tastados àteros produtos tìpicos de sa gastronomia de sa bidda e ant a èssere fatos connòschere sos produtos de s'artisanadu de Turri.

Sa punna de sa manifestada est sa de pròmoviri s'oru ruju de Sardigna e peri de fàghere connòschere sas prendas de su territòriu de sa comuna.

Sa bidda at a acasagiare sos produtores locales chi ant a espònnere sos produtos issoro in sa mustra mercadu; custa s'at a isboligare in sas carreras de su tzentru istòricu.

S'addòbiu at a cumentzare a sas 10.00 de su mangianu.

Attività realizzata col contributo della Regione Sardegna - IMPRENTAS 2021-2022. LR 22/2018, art. 22

© RIPRODUZIONE RISERVATA
Tags

In sa mesa

Attività realizzata col contributo della Regione Sardegna - IMPRENTAS 2021-2022. LR 22/2018, art. 22

Image
logo-ras65-1024x257.jpg