Casteddu: fine de chida de Pasca Manna cun "Vini Sotto Le Stelle"

In Biddanoa cantinas e stand de artesanadu e de màndigos
12 Arbili 2022
in sa mesa

In sa MesaIn Casteddu su fine de chida de Pasca Manna at a èssere litchitosu meda e s'at a s'afestare cun “Vini Sotto Le Stelle”. Dae su 15 a su 16 de su mese de abrile, s'apendìtziu de Biddanoa, in carrera Garibaldi, at a èssere indanimadu dae sas licàtzias de s'enogastronomia de Sardigna.
“Vini Sotto Le Stelle” at a rapresentare unu mèdiu pro fàghere connòschere sas cantinas sardas e est peri un'ocasione pro passigiare tra sos stand de binos, màndigos e artesanadu artìsticu e hobìsticu.

In Casteddu, duncas, dae su 15 a su 16 de abrile chi at a bènnere s'ant a podere ammirare maniestos comente s'intessidura de ortigu e sos gurteddos fatos a manu. Sas duas dies ant a rapresentare massimamente un'ocasione pro tastare licàtzias sardas, màndigos fatos cun petza de berbeghe e cun botàriga e durches tìpicos sardos comente su turrone. Onni bucone at a èssere acumpangiadu dae una tassa de binu biancu o de binu nieddu de calidade.

“Vini Sotto Le Stelle” at a incumentzare a sas 10.00 de su 15 de su mese de abrile cun s'abertura de sos stand. Dae sas 18.00, imbetzes, sas protagonistas ant a èssere sas cantinas sardas, chi ant a aprontare una caminera cun unos cantos sommelier chi ant a ghiare sa gente a su tastu de sos binos.

Tocat a nàrrere ca sas cantinas presentes in sa manifestatzione casteddaja ant leadu parte a sa fiera internatzionale de su binu “Vinitaly”. Duncas, in Casteddu s'ant a podere tastare sos binos de sa cantina “Santa Maria la Palma” de s'Alighera, sas ampuddas de sa cantina Su'entu de Seddori, sos binos de sas “Tenute di Carlo Pili” de Solèminis, sos de s'“Azienda Vitivinicola di Enrico Melis” de Barrabi, sos binos de sa “Cantina Dorgali,” sos binos de sa “Vinicola Cherchi” de Ùsini, sas ampuddas de sa “Cantina di Calasetta”, sas de sa cantina de “Dolianova”, sas produtziones de “Atlantis” de Belchidda, su binu “Contini” de Crabas.

“Sas duas dies ant a èssere un'ocasione importante po sas sas realidades produtivas sardas chi in sos ùrtimos duos annos de covid-19 ant àpidu dannos meda”. Sunt sas paràulas de s'assessore a sas atividades produtivas de sa comuna de Casteddu Alessandro Sorgia.

Attività realizzata col contributo della Regione Sardegna - IMPRENTAS 2021-2022. LR 22/2018, art. 22

© RIPRODUZIONE RISERVATA
Tags

In sa mesa

Attività realizzata col contributo della Regione Sardegna - IMPRENTAS 2021-2022. LR 22/2018, art. 22

Image
logo-ras65-1024x257.jpg